________________
શ્રી હનુમાન દેવરમણ ઉદ્યાનમાં
૧૨
શ્રી રામચન્દ્રજી શ્રી હનુમાનને પોતાની વીંટી આપીને, શ્રીસીતાનો ચુડામણી લઈ આવવાનું સૂચન કરવા સાથે જરુરી સૂચનો કરે છે. રસ્તામાં મહેન્દ્રનગર આવતાં પોતાની માતાના અપમાનની વાત યાદ કરીને માતામહ રાજા મહેન્દ્રને થોડું પરાક્રમ બતાવી આગળ વધતાં દધિમુખ દ્વિપમાં બે મુનિવરો અને નજીકના પ્રદેશમાં ત્રણ કન્યાઓને ધ્યાનમગ્ન જોતાં પ્રગટેલા દાવાનળનો ઉપદ્રવ શાંત કરે છે.
આ પ્રસંગે પ્રવચનકારશ્રી દ્વારા ધર્માત્માની ફરજ ‘ચારિત્રહીનતા અને ઉત્સૂત્રપ્રરુપણા' વચ્ચેનો તફાવત અને દૃષ્ટિરાગી ન બનતાં ગુણાનુરાગી બનવાનો સચોટ ઉપદેશ અપાયો છે.
લંકા પ્રવેશ કરતાં પરાક્રમ અને વિજય પામતાં, બિભીષણને સાવચેત કરવું, મહાસતી સીતાદેવીના દર્શન માત્રથી શ્રી રામચન્દ્રજી એમને માટે ઝૂરે છે તે યથાસ્થાને છે એમ વિચારવાપૂર્વક વૃક્ષ ઉપરથી વીંટીનું પ્રદાન, વિનંતી, ચુડામણિની પ્રાપ્તિ, દેવરમણ ઉદ્યાનમાં મચાવેલો તરખાટ, રાવણની સભામાં પરાક્રમ બતાવવા સાથે શ્રી રામચન્દ્રજીની પાસે પાછા પહોંચવા સુધીની વાત વર્ણવતાં પ્રસંગોપાત થયેલાં પ્રવચનકારશ્રીના સ્પષ્ટીકરણો ધર્મકથાના મર્મને આપણા સુધી પહોંચાડે છે.
-શ્રી
૨૮૭
