________________
અટકાયત ઊભી થાય ત્યારે એ ઉન્મત્તોને અત્યંત આનંદ આવે છે એ લોકો પોતાની ધારણાઓને સફળ બનાવવા માટે રાજા અને પ્રજા વચ્ચે પણ વિલક્ષણ અને વિચિત્ર પદ્ધતિથી કારમું વૈમનસ્ય પેદા કરી ઉભયને અથડાવી મારતાં પણ આંચકો ખાતા નથી.
આવા જ સ્વભાવને ધરનારા કોઈ એક ખલથી શ્રી વજકર્ણ રાજાનું ધર્મપાલન સહી શકાયું નહિ અને એથી જ તેણે ભયંકર ઉપદ્રવ મચાવવાના હેતુથી એ વાત સિહોદર રાજાને જણાવી. એ વાતને જાણતાંની સાથે જ મહાસર્પની જેમ નિ:શ્વાસ નાખતો સિંહોદર રાજા એકદમ કોપાયમાન થયો.
ધર્મ ધર્મીની રક્ષા સદાય કરે છે. સાચા ધર્મીએ સદાય નિશ્ચિત જ રહેવું જોઈએ. ધર્મીનું બુરું કરવાને કોઈ જ શક્તિમાન નથી. ધર્મીનું બુરું કરવા ઈચ્છનારનું જ બુરું થાય છે. ધર્મના પ્રભાવે ધર્મીની રક્ષા કરનાર કોઈને કોઈ મળી જ જાય છે એ જ ન્યાયે સિહોદર રાજાને શ્રી વજર્ણ રાજા ઉપર કોપ થયો છે, એમ જાણનાર કોઈ મળી ગયો અને એ જાણનાર કોઈ પણ માણસે સિંહોદર રાજાના કોપને શ્રી વજકર્ણ રાજા પાસે આવીને જણાવ્યો.
વજકર્ણનો પ્રશ્ન અને તેનો ઉત્તર સિંહોદર રાજાના કોપની વાત શ્રી વજકર્ણની પાસે જઈને કોઈ અજાણ્યા માણસે જણાવી એટલે આ પ્રકારની કોઈથી પણ ન જાણી શકાય એવી વાતને કોઈ એક અજાણ્યા માણસે આવીને પોતાને જણાવી એથી શંકિત થયેલા વજકર્ણ રાજાએ તે વાત જણાવનાર માણસને સ્પષ્ટપણે પ્રશ્ન કર્યો કે,
“મા તસ્ય જીવો ત્વથા વાર્થ જ્ઞાતઃ ? મારા ઉપર તેં રાજાનો કોપ તેં કેવી રીતે જાણ્યો?”
આ પ્રમાણે સ્પષ્ટ શબ્દોમાં પૂછાયેલા તે માણસે શ્રી વજર્ણ રાજાને થયેલી જિજ્ઞાસાની તૃપ્તિ કરવાના હેતુથી સ્પષ્ટપણે આ પ્રમાણે કહ્યું કે,
-સાહમ્મીના સગપણ સમું અવર ન સગપણ કોય...૧
