________________
ગયો છે. એનું કારણ અચાનક આવી પડેલી કોઈની ભીતિ હોવી જોઈએ.'
આ રીતે શ્રી રામચંદ્રજી શ્રી લક્ષ્મણજીને કહી રહ્યા છે તે જ સમયે કોઈ એક માણસ ત્યાં થઈને જઈ રહ્યો છે. તે માણસને તે વખતે શ્રી રામચંદ્રજીએ પ્રશ્ન કર્યો કે,
‘હે ભદ્ર ! આ દેશ કેમ ઉજ્જડ થઈ ગયો છે ? અને તું ક્યાં ચાલી રહ્યો છે ?’
મુનિનું દર્શન શ્રી રામચંદ્રજીએ પૂછેલા પ્રશ્નનો ઉત્તર આપતાં તે જઈ રહેલા મનુષ્ય કહેવા માંડ્યું કે,
આ અવંતિ નામની નગરીમાં સિંહોદર નામનો રાજા છે અને આ દેશમાં તે રાજાને આધીન એવો વજ્રકર્ણ નામનો એક સામંત છે. એ સામંત મહાબુદ્ધિશાળી છે. અને આ દશાંગપુરનો નાયક છે. એ રાજા એક દિવસ શિકાર કરવા માટે વનમાં ગયો જે વનમાં એ સામંત રાજા શિકાર કરવા ગયો ત્યાં તે રાજાએ કાર્યોત્સર્ગમાં રહેલા પ્રીતિવર્ધન નામના મહામુનિને જોયા.
આવા પ્રસંગે મહામુનિનું દર્શન એ મહા ભાગ્યોદય સૂચવે છે. સુંદર ભાગ્યોદય વિના આવા પ્રસંગમાં મુનિનું દર્શન અશક્ય છે. જો કે ભાગ્યહીન રાજાઓને આવા સમયે થયેલું મુનિનું દર્શન લાભપ્રદ થવાને બદલે હાનિ કરનારું થાય છે. કારણકે ભાગ્યહીન રાજાઓ આવા પ્રસંગોમાં થયેલા મુનિદર્શનને અપશુકન માનીને, ભારેમાં ભારે આશાતના કરી ઘોર પાપબંધને કરનારા થાય છે. પણ આ રાજા તેવો ન હતો. એ જ કારણે આ રાજાએ સરળ ભાવે મહામુનિને પ્રશ્ન કર્યો કે,
“હે મુનિ ! આપ આ અરણ્યમાં વૃક્ષની જેમ કેમ ઊભા છો ?’ આ પ્રમાણેનો પ્રશ્ન કરી મુનિને બોલાવવા માટે તે રાજાએ પ્રયત્ન કર્યો, એટલે તે મુનિએ પણ એનો ઉત્તર આપતાં ઘણા જ અલ્પ શબ્દોમાં ફરમાવ્યું કે,
૫
સાહમ્પીના સગપણ સમું અવર ન સગપણ કોય...૧
