________________
૨૦૪
ત૮-અયહરણ....ભગ-૩
જૈનશાસનની આ ઉત્તમ મર્યાદાઓનું પાલન કરવું પડે તેમ છે. શ્રી જૈનશાસનને પામેલો સંસાર તજી શકે નહિ અને તેને સંસારમાં રહેવું પણ પડે તો પણ એ સુખી જ થાય છે. પૂર્વના દુષ્કર્મનો ઉદય પણ એ શાંતિથી ભોગવી શકે છે. આજે કુળથી જૈન કહેવાતાઓમાંના કેટલાક્તા સંસારમાં જે રડારોળ ચાલી રહી છે. અને કેટલાકને ઘેર જે ધમાલો ચાલી રહી છે. તે જો તેઓ શ્રી જૈનશાસનને સમજે તો દૂર થયા વિના રહે નહિ. શ્રી જૈનશાસનને પામેલા પિતા અને પુત્ર, પતિ અને પત્ની, સાસુ અને વહુ, નણંદ અને ભોજાઈ, તેમજ ભાઈ-ભાઈ સંસારમાં પણ સુખપૂર્વક જીવી શકે છે. એ જ મર્યાઘના યોગે, શ્રી લક્ષ્મણજીના અંતરમાં આવા વિચારોનો પ્રાદુર્ભાવ થાય છે. | શ્રી લક્ષ્મણજીએ યુદ્ધ માટે પોતે જ જવાની શ્રી રામચંદ્રજીની પાસે યાચના કરી, એના ઉત્તરમાં શ્રી રામચંદ્રજી કહે છે કે, હે વત્સ ! યુદ્ધમાં વિજ્ય પ્રાપ્ત કરવાને માટે તું જા ! પણ તારા ઉપર જો કેઈ પણ પ્રકારનું સંકટ આવે, તો મને બોલાવવાને માટે તું સિંહનાદ કરજે !' આ પછી શ્રી લક્ષ્મણજીએ શ્રી રામચંદ્રજીની આજ્ઞા ઉચ્ચ સ્વરે સ્વીકારી લીધી. અર્થાત્ એ પ્રમાણે આજ્ઞા પામીને તેઓ યુદ્ધ કરવાને માટે ગયા.
ચંદ્રણખા રાવણને ઉશ્કેરે છે આપણે જોયું કે શ્રી રામચંદ્રજીની આજ્ઞાનો સ્વીકાર કરીને શ્રી લક્ષ્મણજી એક માત્ર ધનુષ્યને જ સાથે લઈને, ખર આદિ વિદ્યાધરોની સાથે યુદ્ધ કરવાને ગયા અને ગરુડ જેમ સર્પોનો સંહાર કરે છે. તે રીતે તેઓને હણવામાં પ્રવર્યા. તેઓના વધતા જતા યુદ્ધને જોઈને, પોતાના પતિની સેનાના પૃષ્ઠભાગમાં સેનાની વૃદ્ધિ કરવાને માટે, શ્રી રાવણની બહેન ચંદ્રણખા શ્રી રાવણની પાસે ગઈ.
શ્રી રાવણની પાસે જઈને ચંદ્રણખા પોતાના ભાઈને શું કહે છે, તેનું વર્ણન કરતાં કલિકાલસર્વજ્ઞ આચાર્ય ભગવાન શ્રી હેમચંદ્રસૂરીશ્વરજી મહારાજા, ફરમાવે છે કે, आयातौ दंडकारण्ये, मनुष्यौ रामलक्ष्मणौ । अनात्मनौ निन्यतुस्ते, जामेयं यमगोचरम् ॥११॥
...
