________________
(૧૨૮
...સીતા-અયહરણ......ભાગ-૩
લોક ડરના બદલે પાપ ડર કેળવવો જોઈએ
આપણે જોઈ ગયા કે, પોતાના ખૂનનો ગુન્હો છૂપાવવા પ્રયત્ન કર્યો, પણ જ્યારે માણસનો અશુભોદય થવાનો હોય છે, ત્યારે અણધારી આફત આવી પડે છે. અને છૂપાવેલું પાપ પણ ખૂલ્લું પડી જાય છે. જે આત્માઓ પાપ કરીને પાપને છૂપાવવાના પ્રયત્નો કરે છે, તેઓ ભૂલી જાય છે કે વહેલું કે મોડું એ પાપ એનું ફળ આપ્યા વિના રહેતું નથી. ક્દાચ આ ભવમાં શુભોદય હોય અને તે કારણે પાપ ઢંકાઈ પણ રહે, તો પણ એ પાપનું પરિણામ તો આત્માને બીજા ભવમાં પણ ભોગવવું જ પડે છે. આથી કલ્યાણકારી આત્માઓએ લોક-ડરને બદલે પાપ-ડર કેળવવો જોઈએ. પાપ ભય તજી લોકભય રાખનારા આત્માઓ તો ઘણીવાર એવાં છૂપાં પાપો આચરે છે કે એના પરિણામે એમની ભયંકર દુર્દશા જ થાય. બીજી વાત એ છે કે જે આત્માઓ પાપથી ડરતા નથી અને લોકથી જ માત્ર ડરે છે તેઓનું ધ્યાન પાપ ન કરવા તરફ નથી હોતું પણ પાપ કરવા તરફ અને પાપને છૂપાવવા તરફ જ હોય છે. આથી તેઓ ઉલ્ટા દુર્ધ્યાનમાં રક્ત બની જાય છે. લોકલજ્જા, એ ગુણ છે પણ તે પાપને છૂપાવવા માટે નહિ, પરંતુ પાપથી બચવા માટે છે. જેનામાં લજ્જાનો સાચો ગુણ આવ્યો હોય તે આત્મા પાપથી ડરનારો હોય જ. માટે લોકોને છેતરવાના મિથ્યા પ્રયત્નોથી બચી જઈને દરેક કલ્યાણકામી આત્માએ પાપભયનો ગુણ કેળવવો એ જરૂરી છે. પાપથી ડરનારા આત્માઓ ઘણાં પાપાચરણોથી બચી જાય છે, અને તેઓને પાપ કરવું પડે તો પણ પાપનો તીવ્ર બંધ પણ પડતો નથી. અર્થાત્ પાપથી યથાશક્તિ બચી જવું જોઈએ અને પાપથી જ્યાં ન જ બચી શકાય, ત્યાં પણ પાપ કરવું પડે એનું દુ:ખ તો આત્મામાં જરૂર હોવું જ જોઈએ.
શ્રી સમ્મેતશિખરગિરિ ઉપર રહેલા ચૈત્યોમાં દર્શનાર્થે જ્યાં, રસ્તામાં ઉદિત અને મુદિત એ બંને મુનિવરો ભૂલા પડ્યાં અને
