________________
आत्मनः परमाऽऽत्मत्वप्राकट्यार्थं मनीषिणाम् । जैनधर्मोपदेशोऽयं, वासुदेवेन भाषितः ॥ ३२९ ॥ આત્મા જ પરમાત્માનું સ્વરૂપ છે. આત્મામાં પ્રગટે છે પરમાત્મપણું.
અને આ પરમાત્મપણું પ્રગટાવવા માટે વાસુદેવ કૃષ્ણે મનીષિઓબુદ્ધિવંતોને જૈન ધર્મનો આ ‘કૃષ્ણ ગીતા’ દ્વારા ઉપદેશ કર્યો છે. આ ઉપદેશઆત્મામાં ચૈતન્ય પ્રગટાવે છે.
આત્માને ફુલ્લ - પ્રફુલ્લ બનાવે છે.
આત્મામાં પરમાત્મત્ત્વ પ્રગટાવે છે.
જગત્પ્રભુ શ્રી નેમિનાથ ભગવાને વાસુદેવને દ્વારિકાપુરીમાં પધારીને જે પ્રતિબોધ પમાડ્યો હતો, તે પછી વાસુદેવ કૃષ્ણએ કહેલી આ કૃષ્ણગીતા
છે.
જે આત્માને ઉન્નત બનાવે છે.
આત્મામાં પરમાત્મપણું પ્રગટાવે છે.
વાસુદેવ કૃષ્ણે આ કૃષ્ણગીતામાં મનીષિઓ અને પ્રબુદ્ધોને જૈનધર્મનો ઉપદેશ કહેલો છે.
पठन्ति कृष्णगीतां ये, श्रृण्वन्ति पाठ्यन्ति च । स्वर्गमुक्तिं च ते यान्ति, लभन्ते सर्वमङ्गलम् ॥ ३३० ॥ કૃષ્ણગીતાનો મહિમા અનન્ય છે. અજોડ છે.
શ્રી નેમિનાથ જગત્પ્રભુએ જૈનધર્મ, આત્મા, શુદ્ધાત્મા તથા જૈનધર્મના મહાન તત્ત્વજ્ઞાનને વણી લેતો પ્રતિબોધ આપેલો છે.
એ પછી વાસુદેવ કૃષ્ણે આત્મામાં પરમાત્મપણું પ્રગટાવવા માટે ‘કૃષ્ણ ગીતા’ કહી છે, જે અનન્ય છે. અનુપમ છે.
જે પુણ્યવંતા જીવો આ કૃષ્ણગીતાનો પાઠ કરશે, સાંભળશે અને બીજા પાસે પાઠ કરાવશે, તેઓ સર્વ પ્રકારના માંગલ્યને પામશે.
સ્વર્ગ આપનારી છે કૃષ્ણગીતા. મુક્તિ અપાવનારી છે કૃષ્ણગીતા. સાંભળનારનું કલ્યાણ કરનારી છે કૃષ્ણગીતા.
પાઠ કરનાર તથા પાઠ કરાવનારનું સર્વ પ્રકારે મંગલ થશે. શુભત્વ પ્રગટશે.
૩૧૫
