________________
शुद्धाऽऽत्मा नेमिनाथोऽस्ति, केवलज्ञानभास्करः । अन्तराऽऽत्मैव कृष्णोऽस्ति, भावितीर्थंकरो महान् ॥३२७॥ શ્રી નેમિનાથ પ્રભુનું શાસન તો અનન્ય છે, અજોડ છે. તેઓ કેવલજ્ઞાન રૂપ સૂર્ય છે. ત્રણે કાળના જ્ઞાનવાળા છે. કેવલજ્ઞાનના સ્વામી છે. એમની બરાબરી થઈ શકે નહિ. તેઓ શુદ્ધાત્મા છે.
ભગવાન શ્રી નેમિનાથે દ્વારિકાપુરીમાં જઈને વાસુદેવ કૃષ્ણને પ્રતિબોધિત કર્યા.
વાસુદેવ કૃષ્ણ ભાવિ મહાન તીર્થકર છે. તેથી શ્રી કૃષ્ણ અંતરાત્મા જ છે. નેમિનાથ જગત્મભુએ તમને બોધાન્વિત કર્યા છે.
તીર્થકર કર્મ બાંધતાં બાંધતાં શ્રીકૃષ્ણ વાસુદેવ ભાવિ તીર્થંકર પરમાત્મા થશે.
शुद्धाऽऽत्मैव महावीरस्तीर्थकृच्चरमेश्वरः । आत्मैव परमाऽऽत्माऽस्ति, सत्तया सर्वदेहिनाम् ॥३२८॥ મહાવીર પ્રભુ ચરમ ઈશ્વર છે. ચરમ તીર્થકર છે. જગત પર સુખનો પ્રકાશ પાથરનાર શ્રી મહાવીર પરમાત્મા જ છે.
એમનું અવતરણ થતાં જ નારકી જીવોએ પણ ક્ષણવાર માટે અપૂર્વ હર્ષનો અનુભવ કર્યો હતો.
એ પરમેશ્વર છે. ચરમેશ્વર છે. તીર્થંકર પ્રભુ છે. તેઓ શુદ્ધાત્મા જ છે. શુદ્ધાત્મા પરમાત્માનું જ સ્વરૂપ છે. આત્મા જ્યારે શુદ્ધાત્મા બને છે, ત્યારે તે પરમ પદને પામે છે. ભગવાન મહાવીર. ચરમ તીર્થકર. તેઓ શુદ્ધાત્મા જ છે.
૩૧૩
