________________
પ્રભુ અરિષ્ટનેમિના બોધની એ અસર છે. હું એમના બોધ વચનોથી પ્રતિબોધિત થયો છું. પ્રજ્ઞાવાન થયો છું. આત્મવાનું થયો છું. મને પ્રભુતા મળી છે. પ્રભુ થયો છું. એમની વાણી એટલે અમૃતની ધારા. પ્રભુની વાણી તો - મોહને ભગાવે. માયાને તગેડે. તમસને હણે. ત્રિવિધ તાપ નષ્ટ કરે. દુઃખો હરે. પીડાનો નાશ કરે. અજ્ઞાન હરે. જ્ઞાનવાન બનાવે. પ્રજ્ઞાવાન બનાવે. આત્મવાન બનાવે. મનોમાલિન્ય હટાવે. પવિત્ર હૃદયથી યુક્ત બનાવે. એમના ઉપદેશથી હું આત્મવાન્ થયો છું. પ્રભુ બન્યો છું. અને વિશ્વના લોકોને સનાતન ધર્મનો બોધ હું આપું . પ્રભુએ મને એ સામર્થ્ય આપ્યું છે. अरिष्ठनेमिनाथस्य, पश्चात्पार्श्वप्रभोः शुभम् । शासनं वय॑ति व्यक्तं, भारते लोकतारकम् ॥ ३२२ ॥ ભારત દેશ. વિવિધ જન સમૂહોવાળો દેશ. ભવ્ય સંસ્કૃતિથી શોભતો મહાન દેશ. જૈનધર્મનો મહાન મહિમા આ દેશમાં ભારત દેશમાં વ્યાપ્ત બન્યો
એની મહાનતા અનન્ય છે. અજોડ છે.
આ મહાન ભારત દેશમાં - અખંડ આર્યાવર્તમાં અરિષ્ટનેમિનાથ પ્રભુના શાસન પછી પાર્શ્વનાથ પરમાત્માનું શાસન પ્રવર્તશે.
આ શાસન લોકતારક હશે. શુભકારક હશે. ભારતના લોકોમાં શાંતિ અને શુભત્વ પ્રગટાવનારું હશે.
નેમિનાથ જગત્મભુના શાસન પછી શ્રી પાર્શ્વનાથ પ્રભુનું શાસન ભારતદેશમાં પ્રવર્તમાન બનશે, જે સર્વજનો માટે શુભંકર હશે.
૩૦૯
