________________
कलिकाले महाघोरे, महावीर स्वबोधतः । तारकः सर्व विश्वस्य, भविष्यन्ति न चान्यथा ॥३१६ ॥ કલિયુગ આવશે. ઘોર કલિકાલ આવશે. મહાઘોર કલિયુગ પોતાનો પ્રભાવ જગત પર પ્રસારશે. લોકો અનીતિમાન બનશે. રાજા લૂંટેરા બનશે. શાસકો શોષકો બને. રાજકર્તા લાંચિયા થશે. નીતિ-પ્રામાણિકતા - સત્ય પ્રેમ સદાચાર બધું જ ડૂબવા લાગશે. પ્રેમની સુગંધને બદલે સ્વાર્થની બદબૂ સર્વત્ર ફેલાશે. સંબંધો સ્વાર્થના ત્રાજવે તોળાશે. લાભ - અલાભના માપદંડથી મૈત્રી રચાશે. અહિંસાનું સ્થાન હિંસા લેશે. લોકોનું અભય ચાલ્યું જશે. રસ્તે ચાલનાર ભયથી ધ્રૂજશે. કારણ કે ત્યારે કલિયુગ આવ્યો હશે.
શ્રી નેમિનાથ જગ...ભુ પ્રતિબોધ પમાડી રહ્યા છે શ્રી કૃષ્ણ વાસુદેવને.
શ્રી નેમિનાથ પરમાત્મા દ્વારિકાપુરીમાં આવ્યા છે. દ્વારિકાપુરીના રાજા છે શ્રી કૃષ્ણ વાસુદેવ. જગત્મભુનું આગમન શુભહેતુક છે. તેઓ પ્રતિબોધ પમાડતાં આર્ષવાણી ઉચ્ચારે છે. આવનારા કલિકાલની વાત કરે છે. મહાઘોર કલિયુગની વાત કરે છે. કલિયુગ આવશે. કલિયુગ જામશે. કલિયુગ પોતાનો કાળો પ્રભાવ પ્રસારશે. માણસો કલિયુગથી પ્રભાવિત થશે.
પરંતુ આ મહાઘોર કલિકાલમાં સંસારને - ભવને તરવા માટે એક શક્તિશાળી - સમર્થ નૌકા હશે.
એના થકી લોકો તરી જશે. કઈ નૌકા? એ નૌકા છે શ્રી મહાવીર ભગવાનના નામની. એમના નામના જાપની. એમના નામની રટણાની.
૩૦૫
