________________
સત્ય જ સુગંધાય. સત્ય સિવાય બીજું કંઈ ન હોય. મૈત્રી એટલે પ્રેમની સર્વોત્તમ ઊંચાઈ. મૈત્રી ત્યાગ માંગે છે. મૈત્રી અર્પણ માંગે છે. મૈત્રી એટલે વિશ્વાસ. મૈત્રી એટલે સત્ય. મૈત્રી એટલે સુગંધ.
જ્યાં અસત્યની દુર્ગધ ન હોય. હોય માત્ર સત્યની સુગંધ. સજ્જનો હંમેશાં આત્માના ઐશ્વર્યને ઈચ્છનારા હોય છે. આત્મવૈભવને ઝંખે છે. મૈત્રી આત્માનો વૈભવ છે. મૈત્રી આત્માનું ઐશ્વર્ય છે, સાચી મિત્રતા એટલે સત્યપ્રીતિ. સાચો ત્યાગ. આપીને લેવાનું. ત્યાગીને પામવાનું. મિત્ર મિત્રનો દ્રોહ કરે તો? મૈત્રી લજવાય. માણસાઈ લજવાય. સજ્જનતા લજવાય. મિત્રદ્રોહ એ મિત્રતા નામની શરમ છે. બેશરમ ન બનાય. મિત્રદ્રોહી ન બનાય.
અને તેથી આત્માના ઐશ્વર્યને ઈચ્છનારા સજ્જને ક્યારેય પણ મિત્રદ્રોહ ન કરવો જોઈએ.
સાચો મિત્ર તો મિત્રના સુખે સુખી. મિત્ર રાજીપામાં રાજી. મિત્રના દુઃખે દુઃખી. તાળી મિત્રની આ વાત નથી. લાલચુ મિત્રની આ વાત નથી. સ્વાર્થી મિત્રની આ વાત નથી. આ વાત છે સાચા મિત્રની, જીગરી મિત્રની, સજ્જન મિત્રની. એ મિત્રનું બૂરું ન ઈચ્છે. મિત્રને દુઃખી ન કરે. મિત્રને દગો ન દે. મિત્રદ્રોહ બહુ બૂરો શબ્દ છે. આત્મશ્વર્ય ઈચ્છનાર સજ્જને મિત્રદ્રોહ ક્યારે પણ ન કરવો. અને હંમેશાં સત્ય બોલવું. ઉપરાંત - દેશદ્રોહ કદી ન કરવો. દેશદ્રોહ કરનાર “માણસ' કહેવાવાને યોગ્ય નથી. દેશદ્રોહી ન બનાય. અસજ્જન ન બને. આત્માનું ઐશ્વર્ય ઈચ્છનાર કદીપણ મિત્રદ્રોહી ન બને. દેશદ્રોહી ન બને. અસત્યભાષી ન બને.
૨૯૨
