________________
सर्वधर्मस्य सत्यांशा, ग्राह्या सापेक्षदृष्टितः । सर्वधर्मस्वरूपोऽस्ति, जैनधर्मः सनातनः ॥२९६ ॥
ધર્મ કોઈ પણ હોય પણ તમામ ધર્મોમાં સત્યના અંશો રહેલા જ હોય છે. જોવાની દૃષ્ટિ જોઈએ.
પૂર્વગ્રહયુક્ત દૃષ્ટિથી એ નજરે નહિ પડે. પૂર્વગ્રહથી મુક્ત બનવું પડે.
સાપેક્ષ દૃષ્ટિથી જોવું પડે. સત્યદૃષ્ટિથી જોવું પડે. સત્યને જોવું અઘરું છે. એને સ્વીકારવું કઠિન છે. એને ગ્રહણ કરવું મુશ્કેલ છે. દરેક ધર્મમાં સત્યના અંશો પડેલા જ હોય છે. એ સત્યાંશોને જુઓ.
સાપેક્ષ દૃષ્ટિથી સર્વ ધર્મમાં રહેલા સત્યના અંશોને સ્વીકારી, એ ગ્રહણ કરવા જોઈએ.
સત્યને સત્ય તરીકે સ્વીકારવું જોઈએ. ધર્મ સત્યના આધારે ટકે છે. એટલે દરેક ધર્મમાં સત્યાંશો હોય છે તે સર્વ વિદિત છે. ધર્મના સત્યને જોવા માટે ધર્મની દૃષ્ટિ જોઈએ. સમ્યક દૃષ્ટિ જોઈએ. સમ્યફ વિચાર જોઈએ. એ નહિ હોય તો એ સત્યને જોઈ નહિ શકાય.
ધર્મદ્રષ્ટિ કેળવો. સમ્યક્ દષ્ટિ કેળવો. હૃદયને વિશાળ બનાવો. ને અન્ય ધર્મના સત્યને સ્વીકારવા જેટલા ઉદાર બનો.
એના સત્યને ઓળખો. એના સત્યને સ્વીકારો. સત્યને ગ્રહણ કરો. જૈનધર્મ ઉદારધર્મ છે. વિશાળ ધર્મ છે. સનાતન ધર્મ છે.
એટલું જ નહિ પણ જૈનધર્મ સર્વ ધર્મ સ્વરૂપ છે. જેનધર્મ અન્ય ધર્મનો અનાદર કરતાં નથી શીખવતો.
કારણ કે સર્વ ધર્મો જૈનધર્મમાં સમાવિષ્ટ થઈ જાય છે.
૨૮૬
