________________
વિશ્વમાં અનેક ધર્મો અસ્તિત્વ ધરાવે છે.
સંખ્યાબંધ ધર્મોનું આ જગતના લોકો પાલન કરે છે.
દરેક ધર્મમાં ઉપકારક તત્ત્વો આવેલા જ હોય છે. પણ જૈનધર્મ એક એવો ધર્મ છે કે જે અનેક ઉત્તમ તત્ત્વો ધરાવે છે. વિશ્વને સુખ શાંતિ આપવાની ક્ષમતા ધરાવનાર જૈનધર્મ સાચે જ એક શ્રેષ્ઠ ધર્મ છે. જેમાં અનેક ઉત્તમગુણો પડેલા છે. ઉત્તમગુણરત્નો રહેલાં છે.
વિશ્વમાં રહેલા તમામ ધર્મો જૈનધર્મમાં સમાવેશ પામે છે, કારણ કે સર્વ ધર્મોનાં ઉત્તમ તત્ત્વો જૈનધર્મમાં સમાવિષ્ટ થયેલા છે, તેથી જૈનધર્મ શ્રેષ્ઠ ધર્મ છે.
સર્વ ધર્મો અપેક્ષાએ જૈનધર્મના અંગભૂત છે.
शुद्धाऽऽत्मधर्म एवास्ति, जिनधर्मः सुखोदधिः । शुद्धाऽऽत्मधर्मसाध्याय, जैनधर्मोऽस्ति साधनम् ॥२८८॥
શુદ્ધાત્મ ધર્મ. એ તો સુખના સાગર સમાન છે. સુખનો જાણે હિમાલય છે. શુદ્ધાત્મધર્મ સુખનો મહોદધિ છે. જે શુદ્ધાત્મધર્મને પામે છે, તે જાણે ત્રિલોકના સર્વ સુખને પામે છે. આ શુદ્ધાત્મધર્મ એટલે ?
આ શુદ્ધાત્મધર્મ જ જિનધર્મ છે.
જિનધર્મ થકી જ શુદ્ધાત્મધર્મને પામી શકાય છે. માણસનું છેવટનું લક્ષ્ય તો શુદ્ધાત્મધર્મ જ છે.
એને પામવા માટે – એને સિદ્ધ કરવા માટે - એને આત્મવત્ કરવા
માટે - માણસ મથે છે. પ્રયાસો કરે છે. તપ તપે છે. કર્મ કરે છે. ઉપાસના કરે છે. - સાધના કરે છે.- શરીરને ગાળી નાખે છે. શી રીતે સાધ્ય થાય શુદ્ધાત્મધર્મ ? શુદ્ધાત્મધર્મને સાધ્ય કરવા માટે જૈનધર્મ સાધન છે.
જેમ નૌકા થકી સાગર પાર કરી જવાય છે ને કિનારાને પ્રાપ્ત કરી શકાય છે, એમ જ જૈનધર્મરૂપી નૌકા થકી શુદ્ધાત્મધર્મ રૂપ મંઝીલ પ્રાપ્ત કરી શકાય છે.
જૈનધર્મ સાધન છે. શુદ્ધાત્મધર્મ સાધ્ય છે.
૨૮૦
