________________
तादृक्छान्ति र्न केनाऽपि, वर्ततेऽतो जनैः सदा । जैनधर्मसदाचारः, पालनीयः प्रयलतः ॥२६८ ॥ જગત જરૂર શાંતિ ઝંખે છે. શાંતિનું સામ્રાજ્ય ઝંખે છે. પણ તેવા પ્રકારની શાંતિ કોઈથી પણ થતી નથી.
એ માટે જોઈએ જૈનધર્મમાં શ્રદ્ધા જોઈએ વિશ્વાસ. જોઈએ પ્રયત્નો. જોઈએ સાચા હૃદયની ઝંખના. જોઈએ વિચારોની ઉત્તમતા.
શાંતિની ઝંખના આજની નથી. અનાદિની છે. શાશ્વત કાળની છે. સૃષ્ટિ અનાદિની છે. સૃષ્ટિની આદિ નથી કે અન્ત પણ નથી.
આ પૃથ્વી પરના એક માત્ર માનવી જ નહિ પરંતુ સૃષ્ટિના તમામે તમામ જીવો ઝંખે છે નિરાંત. જીવનની શાંતિ. પરમ શાંતિ.
સુખદાયક, એમદાયક અને ચિરંતન શાંતિ. શાંતિનાં શ્વેત પારેવાં માનવી ઉડાડવા માંગે છે. એ આગળ વધવા માંગે છે. વિકાસ ઝંખે છે. ઉન્નતિ ઝંખે છે. પણ અફસોસ કે શાંતિ મળતી નથી. શાંતિની અપેક્ષા પૂર્ણ થતી નથી. ઝંખના સાકાર થતી નથી. વિશ્વમાં વારંવાર વૈમનસ્યો પેદા થાય છે. ને શાંતિનાં જળ આંદોલિત થઈ જાય છે. શાંતિના શાંત સરોવરમાં વમળો પેદા થાય છે. અશાંતિનો અજગર જગત ફરતે ભરડો લે છે. યુદ્ધની નોબતો વાગે છે. વેરનાં વિષ ઓકતા સર્પો સતત દંશ દે છે વિશ્વની શાંતિને. 'શાંતિ હણાય છે. શાંતિ છેદાય છે. શાંતિ હોય તો વિચારો સ્પષ્ટ બને. ચિંતન ધારા વહે. જીવનનાં તમામ સત્કાર્યોનો માર્ગ સૂઝે.
પણ શાંતિ સરકી જાય તો- રોજિંદી વિકાસકૂચ ખોડંગાય. ચિત્ત આંદોલિત થાય. મન બેચેન બને. ચેનની બંસી માનવી બનાવી શકે નહિ. વિશ્વ ઉન્નતિની અપેક્ષા રાખીને બેઠું છે.
જ્યાં છે, ત્યાંથી આગળ જવું છે. જ્યાં છે, ત્યાંથી ઊંચે ચઢવું છે. સોપાન શ્રેણી પાર કરવી છે.
૨૬૫
