________________
એના સંસ્કારોનું સંવર્ધન કરે છે. સદાચારી બનાવે છે. વિચારોની ઉત્તમતા અર્પે છે.
જીવ જીવ વચ્ચે જૈનધર્મ સ્નેહસેતુ બાંધી આપે છે. પ્રેમનો પુલ રચી આપે છે. મૈત્રીની મુદિતા પ્રગટાવે છે. પ્રમોદનો પમરાટ પ્રસરાવે છે. કારૂણ્યનો વિસ્તાર કરે છે.
માધ્યસ્થભાવના મહિમાનું ગીત ગુંજિત કરે છે. એક જીવ બીજા જીવને આત્મવત્ ગણે છે. તેનું એ દર્શન છે. તેનું એ પ્રવર્તન છે.
જૈનધર્મ મૈત્રી અને કરૂણાનો ધર્મ છે. અપરિગ્રહ અને અનેકાન્તનો દ્યોતક ધર્મ છે. ક્ષમા અને અહિંસાનો ધર્મ છે. સત્ય અને સદાચારનો ધર્મ છે. પારસ્પરિક આત્મભાવનું એ નિર્માણ કરે છે. પ્રેમમય વ્યવહારની સંરચના કરે છે. – ". " એકમેકને આત્મવત્ ગણવાનું કહે છે. તેથી જ જૈનો હૃદય ઔદાર્ય દાખવી શકે છે. હૃદયની વિશાળતા પ્રગટ કરે છે. જેનાથી જીવોને આત્મવત્ દર્શન તથા પ્રવર્તન છે - તે જૈનધર્મ જાણવો. दर्शनज्ञानचारित्रगुणानां व्यक्तताऽऽत्मनि । जिनधर्मः स विज्ञेय, उपादानतया जनैः ॥ २५४ ॥ જૈનધર્મ. સર્વનું કલ્યાણ વાંછતો ધર્મ. પ્રેમ, કરૂણા ને ક્ષમા વહાવતો ધર્મ. એના ઉત્તમ સિદ્ધાન્તો. સર્વોત્તમ નિયમો.
જેના થકી દર્શન, જ્ઞાન અને ચારિત્ર જેવા ગુણોની આત્મામાં વ્યક્તતા થાય છે તે જૈનધર્મ.
માનવીઓએ તેને ઉપાદાનપણાથી જૈનધર્મ જાણવો.
૨૫૫
