________________
દ્રષ્ટિનો ફલક વિસ્તરે. જ્ઞાન ગરિમામય બને.' તત્વદ્રષ્ટિ વધુ વિશદ્ બને. જ્ઞાનનાં નવાં દ્વાર ખૂલે.
આવા ગહન તત્ત્વજ્ઞાનથી ભર્યા ભર્યા, જ્ઞાન ગરિમાથી છલકાતા અને ઉત્તમ ગુણ રત્નોથી ભરેલા જૈનધર્મના સેવનથી અને જ્ઞાનથી અનંત તીર્થકરો થયા છે, થાય છે અને થશે.
તીર્થો બન્યાં છે. અનંત તીર્થો બન્યાં છે. તીર્થકરો બન્યા છે.
જે જૈનધર્મના સેવનથી અને જ્ઞાનની ગહનતાથી અનંત તીર્થકરો થતા હોય એ ધર્મની મહાનતા કેટલી બધી!
એ સેવવા યોગ્ય ધર્મ છે. આચરવા યોગ્ય ધર્મ છે. અનુસરવા યોગ્ય ધર્મ છે. જીવંત તીર્થ સમાન છે આ ધર્મ. સમૃદ્ધ ધર્મ છે ને એટલો જ વિશાળ ધર્મ છે. જૈનોનું હૃદય વિશાળતાને પામેલું છે. વેરીને પણ માફ કરવાની ફિલસૂફી આ ધર્મમાં છે.
સૂણમ જંતુ પ્રત્યે પણ કરૂણા દાખવવાનું તત્ત્વ જ્ઞાન આ જૈનધર્મમાં છે એટલે જ એ ઉત્તમ છે. ઉચ્ચતમ છે. અનંત ધર્મ છે.
सद्गुरोः कृपया भव्य, आत्मज्ञानी भवेज्जनः । जैनधर्मी स विज्ञेयः, स्याद्वादज्ञानवेदकः ॥ २४० ॥ ગુરુ કૃપાની વાત જ નોખી છે. ગુ એટલે અંધકાર. છે એટલે પ્રકાશ. અંધકારમાંથી પ્રકાશ તરફ લઈ જાય તે ગુરુ. જે સત્યનો માર્ગ બતાવે-તે સદ્ગુરુ. સદ્ગુરુની પ્રાપ્તિ દુષ્કર છે. એમાંય સદગુરુની કૃપા મેળવવી તો અતિ દુષ્કર છે. જેને કૃપા મળે છે, તેનો બેડો પાર થઈ જાય છે. તેનાં જ્ઞાન ચક્ષુ ખૂલી જાય છે. સદ્ગુરુની કૃપા તો પારસમણિ સમાન છે. જેને સદ્ગુરુની કૃપા મળે છે તે ભવ્ય જન- આત્મજ્ઞાની થાય છે. જ્ઞાનની ગહનતા તેને પ્રાપ્ત થાય છે.
ર૪૩
