________________
શરીર નિરામય હોવું આવશ્યક છે. સ્વસ્થ શરીરમાં જ સ્વસ્થ મન વસે છે. તેથી મનુષ્ય વિદ્યા, બળ અને આરોગ્ય પ્રાપ્ત કરવું જોઈએ. તો જ કોઈપણ કર્મ સારી રીતે કરી શકાય. તો જ કર્તવ્યનું સુયોગ્યપણે નિર્વહન થઈ શકે.
વિદ્યા અને બલ પ્રાપ્ત કરવા ઉપરાંત મનુષ્ય વિવેકપૂર્વક પોતાના ફાળે આવેલ કર્મ કરવું જોઈએ.
ભલે તે ક્ષાત્ર કર્મ હોય.- કૃષિ કર્મ હોય કે વ્યાપાર-વ્યવહારનું કર્મ હોય પણ યુક્તિપૂર્વક, પૂર્ણ સ્વસ્થતાથી તથા વિદ્યાનો ઉપયોગ કરીને પોતાનું કર્મ કરવું જોઈએ.
હા, એ માટે સંઘ પાસેથી યુક્તિપૂર્વક વિદ્યા-જ્ઞાન વગેરેની પ્રાપ્તિ કરવી જરૂરી છે.
બળ જરૂરી છે. આરોગ્ય જરૂરી છે. વિવેક જરૂરી છે. એ વિના પોતાનું કર્મ સારી રીતે ન થઈ શકે. માટે એ પ્રમાણે જ કરવું. जैनानां मृत्युतः पश्चान्मुक्तिः स्वर्गो न संशयः । સ્વીકર્તવ્યો નૂ, નથ: સનાતન: રરૂ૭ જૈનધર્મની શ્રેષ્ઠતા સ્વયંભૂ છે. જૈનધર્મ પાળનાર જૈનોની હંમેશાં સદ્ગતિ થાય છે. મુક્તિ તો સૌ ઝંખે છે. સ્વર્ગની કામના સૌ કોઈ કરે છે.
જૈનોની મૃત્યુ પછી મુક્તિ અથવા સ્વર્ગ છે, એ વાતમાં કોઈ જ સંશય નથી. એ સ્પષ્ટ સુનિશ્ચિત વાત છે.
જૈનો ઉચ્ચગતિને પામે છે. મુક્તિને પામે છે. સ્વર્ગના અધિકારી બને છે. કારણ કે જૈનધર્મમાં જે ઉચ્ચ સનાતન તત્ત્વો રહેલાં છે, તેનું પાલન કરનાર હંમેશાં ઉત્તમ ગતિને પામે.
જૈનધર્મ પાળનાર જૈન કદી પાપ ન કરે. સૂક્ષ્માતિસૂક્ષ્મ હિંસા પણ ન આચરે.
કોઈને પ્રત્યક્ષ અથવા પરોક્ષપણે શારીરિક, માનસિક અથવા વૈચારિક દુઃખ પણ ન પહોંચાડે.
શુદ્ધ સાત્ત્વિક જીવન જીવે. પુણ્યની પ્રાપ્તિ કરે. પછી તો જૈનો માટે હોય કેવળ મુક્તિ અથવા હોય કેવળ સ્વર્ગ.
૨૪૦
