________________
जैनधर्मस्य शत्रूणां, दुर्गति १ःखराशयः । जैनधर्मस्य रक्षातो, दुष्टानामपि सद्गतिः ॥ २१६ ॥ સારા કર્મનું ફળ સારું મળે છે. શુભ કર્મ શુભત્વ પ્રગટાવે છે. અશુભ કર્મનું ફળ અશુભ મળે છે..
શુભત્વ અને અશુભત્વ- એ બે માર્ગ છે. એમાંથી ક્યો માર્ગ ગ્રહણ કરવો એ વ્યક્તિના હાથની વાત છે.
શુભ વિચારો શુભ માર્ગ ગ્રહણ કરાવે છે. અશુભ વિચારો અશુભ માર્ગ પ્રતિ ખેંચી જાય છે. સારા કર્મનું ફળ ઉત્તમ. બૂરા કર્મનું ફળ બૂરું. ધર્મ શત્રુ કદી ન બનવું.
તેમ છતાં કેટલાક મનુષ્યો અજ્ઞાનતાને કારણે ધર્મશત્રુ બની જતા હોય છે.
પણ એક વાત જરૂર છે કે ધર્મના શત્રુઓની હંમેશાં દુર્ગતિ જ થતી હોય છે ને દુઃખની પરંપરાને તેઓ પ્રાપ્ત થતા હોય છે.
માટે ધર્મશત્રુ ન બનો. ધર્મનો દ્રોહ ન કરો. ધર્મ પ્રત્યે શત્રુત્વ ન દાખવો.
અને આ જ રીતે જૈનધર્મના શત્રુઓની દુર્ગતિ થતી હોય છે તથા દુઃખોની પરંપરા પ્રાપ્ત થતી હોય છે.
પણ ધર્મની રક્ષા કરનારને તો હંમેશાં ઉત્તમ ફળ જ પ્રાપ્ત થાય છે. શુભત્વ પ્રગટે છે.
જૈનધર્મની રક્ષા કરનાર દુષ્ટ માણસ હોય તો પણ તેની સદ્ગતિ થાય છે.
તેનાં દુઃખો નષ્ટ થાય છે. ધર્મરક્ષાનું ફળ અતિ ઉત્તમ છે. प्रत्यहं श्रीजिनेन्द्रस्य, कर्तव्यं दर्शनं जनैः। सद्गुरो दर्शनं कार्यं, वन्दनं च विवेकतः ॥२१७ ॥ ઘર્મનું આલંબન મનુષ્યને સદ્ગતિ તરફ લઈ જાય છે. શુભની વાંચ્છના કરનારે હંમેશાં ધર્મના શરણાર્થી બનવું જોઈએ. ધર્મ તારે છે. ધર્મ બચાવે છે. ધર્મ ઉગારે છે. ધર્મ ઉદ્ધારે છે. ધર્મ જ શ્રેષ્ઠ છે ને શ્રેષ્ઠ છે ધર્મનું આલંબન. સાચો જૈન એ છે કે જે ધર્મનું આલંબન સ્વીકારે. ધર્મ માર્ગે ચાલે. સારી ખોટી કોઈપણ વાતને ધર્મના ત્રાજવે તોળે.
૨૨૦
