________________
बाह्यान्तः शक्तियोगेन, जैना जीवन्ति भूतले ।
शक्ति विना न जीवन्ति, दासा भवन्ति निर्बलाः ॥ २१३ ॥
જૈન એટલે જૈન. જૈનોની આગવી ઓળખ છે.
વિશિષ્ટ પહેચાન છે.
જગતમાં પ્રવર્તમાન સર્વધર્મો પોતપોતાની રીતે વિશ્વમાં પ્રકાશ પાથરતા રહે છે પણ એ બધામાં જૈનધર્મનો ચહેરો આગવી ઓળખાણ વ્યક્ત કરે છે.
જૈનધર્મ જીવોને જગતના સંદર્ભમાં જુએ છે ને જાતને જોખે છે. જે દુઃખ પોતાનું, એ બીજાનું પણ.
એમ સંવેદના તો જૈનધર્મ જ પ્રગટાવે.
અટપટું છે આ જીવન. વિચિત્ર છે આ વિશ્વ. જાત જાતની વિચિત્રતાઓથી આ જગત ખદબદે છે. ક્યાંક સ્વાર્થ તો ક્યાંક કપટ.
ક્યાંક પ્રપંચ જાળ તો ક્યાંક ઈર્ષાભાવ.
જગત એક નજર નાખવાથી પરખાઈ ન જાય. ઊંડું નિરીક્ષણ કરવું પડે. સંવેદનાને ઘુંટવી પડે. સમસંવેદનશીલ બનવું પડે. જૈનધર્મ સમસંવેદનાને ઘુંટવાની વાત કરે છે. પરદુઃખના ઉપભોક્તા બનવાની વાત કરે છે. પારકાનાં દુઃખ એ પોતાનાં દુઃખ. પારકાની પીડા એ પોતાની પીડા. પરાઈ પીડને જાણનારા છે જૈનો.
આવા જૈનો બાહ્યશક્તિ અને આંતર્ શક્તિના યોગથી પૃથ્વી પર જીવે છે. તેમનામાં બંને પ્રકારની શક્તિઓનો યોગ છે. છે જૈનો.
શક્તિથી ભરપુર
બાહ્ય શક્તિ અને આંતર્ર્શક્તિ પણ.
જેની પાસે શક્તિ નથી-બાહ્ય કે આંતર્- એવા જૈનો અન્યના દાસ
બને છે.
અને દાસ બનીને જીવે છે.
૨૧૮
