________________
પરાર્થે કર્મ કરવામાં જૈન હંમેશાં અપ્રમત્ત હોય છે. આલસ્ય વિનાનો હોય છે. કર્મના શુભત્વ દ્વારા જ મનુષ્ય ઉન્નતિ કરે છે. માણસ મહાન બને છે. મહાત્મા બને છે. અરે, પ્રભુત્વને પણ તે પ્રાપ્ત કરે છે. જૈન માટે પણ એવું જ છે. કરો અને પામો. જેવાં કર્મ... તેવાં ફળ.
પરને માટે કર્મ કરીને - અપ્રમત્તપણે કર્મ કરીને ઉત્તમતાની અભિવ્યક્તિ તે કરે છે. પોતાની અંદર રહેલા શ્રેષ્ઠત્વને પ્રગટ કરે છે.
તે મહાન બને છે. અંદરની મહાનતા પ્રગટાવે છે. ઉત્તમ ગુણ રત્નોને પ્રગટાવે છે. શુભ શ્રેષ્ઠ કર્મ કરે છે. અપ્રમત્તપણે ઉત્તમ કર્મનો કર્તા તે બને છે.
બસ, આ ઉત્તમતાનું પ્રગટીકરણ તેને ઊંચાઈ પર લઈ જાય છે. શ્રેષ્ઠત્વ તરફ લઈ જાય છે. શિખર ભણી લઈ જાય છે. પોતાનું જિનેન્દ્રપણે વ્યક્ત કરતો તે પ્રભુ બને છે. पश्चात्वं भजते नैव, जैनः कर्तव्यकर्मसु । प्रसह्य सर्वविघ्नानि, धीरो भवति नेमिवत् ॥ २०५ ॥ જૈન એટલે જૈન. જેનીની આગવી પ્રતિભા છે ને આગવો નિશ્ચય છે. આગવી નિષ્ઠા છે ને આગવી ધર્મપ્રીતિ છે. નિર્ણય કર્યા પછી જૈન કદી ઢીલો પડતો નથી. કદી પીછેહઠ કરતો નથી. નિર્ણયને વળગી રહે છે. નિર્ધારને નિરાધાર બનાવતો નથી. એમાં ઢીલાશ આણતો નથી. કર્તવ્ય કર્મ એટલે કર્તવ્ય કર્મ. એમાં એ પાછો પડતો નથી. પારોઠનાં પગલાં ભરતો નથી. પીછેહઠ કરતો નથી. કર્તવ્ય કર્મને પાર કરે જ છે. કર્તવ્ય કર્મથી જૈન વિમુખ બનતો નથી.
આ જગતમાં તમને એવા ઘણા માણસો જોવા મળશે, જેઓ પોતાના કર્તવ્ય કર્મના માર્ગથી વિચલિત થયા હોય.
૨૧૨
