________________
જૈન ધર્મનું રક્ષણ કરનાર જૈન અંતરાત્મા છે. જગતમાં બધે જ સાચા શ્રાવકો નથી. વાતો કરનારા વધુ છે. આલોચના કરનારા વધુ છે. મિથ્યાત્વીઓ વધારે છે. વાતો અને વિતંડાવાદમાં શબ્દો વેડફનારા વધારે છે. મિથ્યા વાદવિવાદમાં સમય વેડફનારા વધારે છે. પણ ધર્મના રક્ષક ઓછા છે. સાચો શ્રાવક ધર્મનો રક્ષક છે.
મોટી મોટી, ખોટી ખોટી અને મિથ્યા વાતો કરનારો કરતાં ધર્મરક્ષક શ્રાવક મહાન છે. શ્રેષ્ઠ છે. પૂજ્ય છે.
મિથ્યાવાદીઓનું ટોળું આજે તો મોટું થતું જાય છે. પ્રતિદિન વધતું જાય છે. ધર્મની ચર્ચા કરનારાઓ વધતા જાય છે. ધર્મને રક્ષનારા ઘટતા જાય છે. ધર્મરક્ષા જ મૂળ મુદો છે. ધર્મનો સાચો હિતેચ્છુ તે છે.
ધર્મની મિથ્યા વાતો કરીને પાંડિત્યપ્રચુરતા દર્શાવનારા માણસો તમને ઠેર ઠેર જોવા મળશે.
વિદ્વત્તાનાં પ્રદર્શન કરનારા પણ ઠેકઠેકાણે જોવા મળે છે. મિથ્યા વાતો કરનારા પણ ઘણા હશે. પણ સત્ય એ નથી. સત્ય એક જ છે - ધર્મની રક્ષા કરો. ધર્મનું જતન કરો. ધર્મના રક્ષક બનો. જૈન ધર્મનું રક્ષણ કરનાર જૈન અંતરાત્મા છે. એ જૈન વિશ્વને પાવન કરનાર છે. મિથ્યાત્વીઓ કરતાં ધર્મરક્ષક જૈન સાચે જ મહાન અને પૂજ્ય છે.
૧૯૩
