________________
તેથી તેઓ આત્મજ્ઞાન પ્રાપ્ત કરે છે ને આત્મજ્ઞાનની પ્રાપ્તિથી તેઓ આ ભૂતલમાં જય મેળવે છે.
જય મેળવનાર છે જૈન. આત્મજ્ઞાન મેળવનાર છે જેન આત્માને જાણનાર છે જેન. ને જે આત્માને જાણે છે, તે જગતને જાણે છે ને જગતમાં વિજયી બને છે. જૈન સાધુ ભગવંતો આત્મજ્ઞાની હોય છે. એટલે જગતનું બધું જ જ્ઞાન તેમાં આવી ગયું.
અને આત્મજ્ઞાનને કારણે તેઓ અનેક પ્રકારની આંતરિક લબ્ધિઓ - શક્તિઓ મેળવે છે. તે બધાની પ્રાપ્તિ કરે છે.
શક્તિ પ્રાપ્ત કરવી સરળ નથી. લબ્ધિ મેળવવી સરળ નથી. તેના માટે જગતનાં અન્ય જ્ઞાન જરૂરી નથી. એનો કોઈ અર્થ પણ
નથી.
જરૂરી છે આત્મબલ. જરૂરી છે કેવળ આત્મજ્ઞાન. આત્માની જાણકારી. આત્માની ઓળખ.
આત્મશક્તિ મેળવ્યા પછી, આત્મજ્ઞાન પ્રાપ્ત કર્યા પછી તેને કારણે આંતરિક અનેક પ્રકારની લબ્ધિઓ પ્રાપ્ત થાય છે.
શક્તિઓ પ્રાપ્ત થાય છે. परब्रह्मजिनेन्द्रोऽस्ति, स्वाऽऽत्मैव स हदि स्थितः । इहामुत्र च सर्वत्र, यत्र तत्र महाप्रभुः ॥१३२ ॥ હૃદયમાં વસે છે સ્વ આત્મા.
પરબ્રહ્મ જિનેન્દ્ર કોણ છે? હૃદયમાં રહેલો સ્વ- આત્મા જ પરબ્રહ્મ જિનેન્દ્ર છે.
જે સ્વ-આત્માને ઓળખે છે, એના સત્ય સ્વરૂપને જાણે છે, એ પરબ્રહ્મ જિનેન્દ્રને જાણે છે, કારણ કે સ્વ-આત્મા જ પરબ્રહ્મ જિનેન્દ્ર છે.
માટે સ્વ- આત્માને ઓળખો. સ્વ- આત્માને જાણો. પરબ્રહ્મ જિનેન્દ્રની અલગ કલ્પના ન કરો. તેમનું અલગ કોઈ સ્વરૂપ નથી. આ જ સાચું સ્વરૂપ છે. જેને પરબ્રહ્મ પરમાત્મા કહે છે, તે જિનેન્દ્ર તે જ સ્વ-આત્મા છે.
૧૫૦
