________________
એ મોહક છે. લલચાવનાર છે. લપસાવનાર છે. માનવીને અંધ બનાવનાર છે.
પોતાની રાગાત્મક દુનિયામાં મનુષ્યને ખેંચી જનાર છે.
આ જગતમાં મોહ વિવિધ સ્વરૂપે વિલસે છે. ને મોહની મારક દ્રષ્ટિ માનવી ઉપર પડતાં જ તેનામાં રાગભાવ ઉત્પન્ન થાય છે.
મનુષ્ય સ્વયં સામે ચાલીને મોહનાં દોરડા વડે બંધાય છે. જાતે જ ફસાય છે. મનને મોહ ગમે છે. ઈન્દ્રિયોને ગમે છે. દૈહિક લાલસાને ગમે છે.
અને એટલે જ માણસ આંધળુકિયાં કરે છે ને મોહંગલીમાં ભૂલો પડે છે.
વિવિધ સ્વરૂપે આવે છે મોહ. રાગમય સૂર બનીને એ આવે છે. લોભામણું રૂપ બનીને એ આવે છે. દૈહિક માદકતા બનીને આવે
પગમાં પાજેબ બાંધીને આવે છે. સોળે શણગાર સજીને આવે છે
મોહ.
મનને ગલીપચી કરાવે છે મોહ. આંખમાં લાલસા જગાવે છે મોહ. મોહને પુષ્પનાં બાણ છે. પુષ્પના બાણથી જીવ વિંધાય છે. ને તે મોહનિદ્રામાં સરી પડે છે. મોહથી દૂર રહેવું દુષ્કર છે. મોહથી ભાગવું કઠિન છે. મોહનો નાશ કરવો મુશ્કેલ છે. મૂદીઓવાળીને ભાગવાથી મોહ કેડો છોડતો નથી. ગમે ત્યાં જાવ, ગમે ત્યાં છુપાવ, મોહ તમને પકડી પાડશે. મોહનો પરાજય શક્ય છે? ના. તે અતિ કઠિન છે. કોક વિરલા જ તેનો પરાભવ કરી શકે તેમ છે. મોહનો પરાજય કરનારા જ સત્ય જૈનત્વને પામે છે. જૈનત્વ મોહનાશનો પર્યાય છે. જૈનત્વ રાગનાશનો પર્યાય છે. મોહનો પરાજય કરનાર જ સાચા જૈનત્વને પ્રાપ્ત થાય છે. જગતને પાવન કોણ કરી શકે? જગતને સન્માર્ગે પ્રતિબોધિત કોણ કરી શકે?
જે સત્યના પક્ષમાં હોય. જેણે રાગનો નાશ કર્યો હોય. જેણે મોહનો નાશ કર્યો હોય. જેણે કર્મોનો કચ્ચરઘાણ વાળી નાંખ્યો હોય.
૧૩૫
