________________
દેહ છતાં તેનામાં વિદેહભાવના પ્રગટ થાય છે ને એ બધું પ્રગટે આત્મજ્ઞાનના પ્રભાવે.
આત્મજ્ઞાનીને જૈન જાણો. આત્મજ્ઞાનીને વિદેહી જાણો. આત્મજ્ઞાનીને જ અ-દેહ ભાવવાળો જાણો.
જૈન શબ્દ એક વિશાળતર અર્થને પ્રગટ કરે છે. એ કોઈ જાતિવાચક શબ્દ નથી. અર્થ છાયાના સાંકડા સંદર્ભો તે પ્રગટ કરતો નથી.
જૈન એ છે-જે આત્મજ્ઞાનવાળો છે.
જૈન એ છે-જે મોહના નાશને પામ્યો છે.
મોહ જ્યાં પ્રબળ હોય તે અ-જૈન છે. માત્ર દેહને તે જાણતો નથી.
આત્મજ્ઞાનના પ્રભાવને કારણે તેનામાં વિદેહપણાની ભાવના પણ પ્રગટેલી હોય છે.
દેહ મોહાત્મક છે. જ્યાં દેહ છે, ત્યાં મોહ છે.
જ્યાં મોહ છે, ત્યાં બંધન છે.
જ્યાં મોહ છે, તો સંસારીપણું છે. જ્યાં મોહ છે, ત્યાં દેહીપણું છે. મોહમુક્તિ એટલે દેહભાવથી મુક્તિ.
મોહમુક્તિ એટલે આત્મજ્ઞાન.
મોહમુક્તિ એટલે જૈન.
માણસની ગતિ મનુષ્યપણાથી આગળ વધીને પ્રભુત્વ સુધીની છે. મોહનાશ વિના પ્રભુપદ પ્રાપ્તિ શક્ય નથી.
વિદેહપણાની ભાવના મહાવિદેહપણા સુધી લંબાય છે. જૈનની જિનેશ્વર બનવા સુધીની આત્મયાત્રા એ જ મહાવિદેહીપણાનો ભાવ.
જૈન મોહથી અળગો છે. નિર્મોહી છે. રાગાત્મકભાવથી પર છે. તેથી જ જૈન આત્મજ્ઞાની છે. જૈન વિદેહી છે.
શ્રી જિનેશ્વર પરમાત્માઓ મહાવિદેહી છે.
માત્ર વિદેહીપણું જ નહિ, મહાવિદેહીપણાને પણ તેઓ સંપ્રાપ્ત થયા હોય છે.
જૈનને માત્ર ધર્મના સંદર્ભમાં જ નહિ, મહાવિદેહીપણા સુધીની આત્મયાત્રાના સંદર્ભમાં પણ જાણો.
૧૨૪
