________________
दसवेआलियसुत्तं.
चूलिया १ चुयस्स धम्माओ अहम्मसेविणो
संभिन्नवित्तस्स य हेतुओ गई ॥१३॥ भुंजित्तु भोगाइं पसज्झ चेयसा
तहाविहं कठ्ठ असंजमं बहुँ । गई च गच्छे अणभिज्झियं दुहं ___ बोही य से नो सुलभा पुणोपुणो ॥१४॥ इमस्स वा नेरइयस्स जंतुणो .
दुहोवणीयस्स किलेसवत्तिणो । पलिओवमं झिज्जइ सागरोवमं
किमंग पुण मज्झ इमं मणोदुहं ॥१५॥ न मे चिरं दुक्खमिणं भविस्सइ
असासया भोगपिवास जंतुणो। 'न चे सरीरेण इमेणवेस्सइ .. - अवेस्सई जीवियपज्जवेण मे ॥१६॥ जस्सेवमप्पा उ हवेज निच्छिओ
चएज्ज देहं न उ धम्मसासणं । तं तारिसं नो पयलन्ति इन्दिया . उवेन्तवाया व सुदंसणं गिरिं ॥१७॥ इच्चेव संपस्सिय बुद्धिमं नरो
आयं उवायं विविहं वियाणिया। काएपा वाया अदु माणसेणं तिगुत्तिगुत्तो जिणवयणमहिछिज्जासि ॥१८॥त्ति बेमि ।।
॥रइवक्का पढमा चूलिया समत्ता ॥
॥ बीया चूलिया ॥ चूलियं तुं प्रवक्खामि सुयं केवलिभासियं ।। जं.सुणित्तु संपुज्जाणं धम्मे उप्पज्जए मई ॥१॥ अणुसोयपछिए बहुजणम्मि पडिसोयबद्धलक्खेणं । पडिसोयमेव अप्पा दायब्वो होउकामेणं ॥२॥ अणुसोयसुहो लोगो, पडिसोओ आसवो सुविहियाणं । अणुसोओ संसारो, पडिसोओ तस्स उत्तारो ॥३॥
१ ख. च. न मे सरीरेण इमेण विस्सई अविस्सई. २ घ. इमणवस्सई अवस्सई. ३ ख. च. जस्सेव अप्पा उ हविज्ज निच्छओ.
