________________
अज्झयण ६
दसवेआलियसुत्तं.
जाइं 'चत्तारिऽभोज्जाई 'इसिणाहारमाइणि । ताई तु विवज्जतो संजमं अणुपालए ॥ ४७ ॥ पिंड सेज्जं च वत्थं च चउत्थं पायमेव य । अकप्पियं न इच्छेज्जा पडिगाहेज्ज कप्पियं ॥ ४८ ॥ जे नियागं ममायंति कीयमुद्देसियाहडं । वहं ते समणुजाणंति इइ वृत्तं महेसिणा ॥ ४९ ॥ तम्हा असणपाणाइ कीयमुद्देसियाहडं । वज्जयंति ठियप्पाणो निग्गंथा धम्मजीविणो ॥ ५० ॥ कंसेसु कंसपाएस कुंडमोसु वा पुणो । भुंजतो असणपाणाइ आयारा परिभस्सइ ॥ ५१ ॥ सीओदगसमारंभे मत्तधोयणछडणे । जाई "छति भूयाई दिट्ठो तत्थ असंजमो ॥ ५२ ॥ पच्छाकम्मं पुरेकम्मं सिया तत्थ 'न कप्पइ । एयमहं न भुंजंति निग्गंथा गिहिभायणे ॥ ५३ ॥ आसंदीपलियंकेसु मंचमासालएसु वा । अणायरियमज्जाणं आसइत्तु सइत्तु वा ॥ ५४ ॥ नासंदीपलियंकेसु न निसेज्जा न पीढए । निग्गंथाऽपडिलेहाए बुद्धवुत्तमहिगा ॥ ५५ ॥ गंभीरविजया एए पाणा दुप्पडिलेहगा । 'आसंदीपलियंका य एयमहं विवज्जिया ॥ ५६ ॥ गोयरग्गपविठ्ठस्स निसेज्जा जस्स कप्पइ इमेरिसमणायारं आवज्जइ अबोहियं ॥ ५७ ॥ विवत्ती बंभचेरस्स पाणाणं च वहे वहो । वणीमगपडीघाओ' पडिकोहो अगारिणं ॥ ५८ ॥ अगुत्ती बंभचेरस्स इत्थीओ वावि संकणं कुसीलवड्ढणं ठाणं दूरओ परिवज्जए ॥ ५९ ॥ तिण्हमन्नयरागस्स निसेज्जा जस्स कप्पइ । जराए अभिभूयस्स वाहियस्स तवस्सिणो ॥ ६० ॥
२७
१ क. चत्तारिभुंजाइ. ध. चत्तारिभुंज्जाई. २ अ. क. घ. च. असणाहार ख. एसणाहार. च. विवज्जित्ता ४ ख परिभस्सए ५ अ. च. छिन्नंति. ६ ख. न कप्पए. ७. न सिज्जाए न पीढए. ८ अ. घ. पलियंकोयं. ९ ख पडिग्घाओ.
