________________
दसवेआलियसुत्तं.
अज्झयण ५-१
तं च अच्चंबिलं पूइं नालं तण्हविणित्तए। दितियं पडियाइक्खे न मे कप्पइ तारिसं ॥७९॥ जं च होज्ज अकामेणं विमणेण पडिच्छियं। तं अप्पणा न पिबे नो वि अन्नस्स दावए ॥८॥ एगंतमवक्कमित्ता अचित्तं पडिलेहिया। 'जयं परिठवेज्जा परिठ्ठप्प पडिक्कमे ॥८१॥ सिया य गोयरग्गगओ इच्छेज्जा परिभोत्तयं । कोठगं भित्तिमूलं वा पडिलेहित्ताण फासुयं ॥ ८२॥ अणुन्नवित्तु मेहावी पडिच्छन्नम्मि संवुडे । हत्थगं संपमाज्जित्ता तत्थ भुंजिज्ज संजए॥८३॥ तत्थ से भुंजमाणस्स अठियं कण्टओ सिया। तणकठसक्करं वा वि अन्नं वा वि तहाविहं ॥८४॥ तं उक्खिवित्तु न निविखवे आसएण न छड्डए । हत्थेण तं गहेऊणं एगंतमवक्कमे ॥ ८५॥ एगंतमवक्कमित्ता आचित्तं पडिलेहिया। जयं परिठवेज्ज परिठ्ठप्प पडिक्कमे ॥८६॥ सिया य भिक्खू इच्छेज्जा सेज्जामागम्म भोत्तयं । सपिंडपायमागम्म उंडुयं पडिलेहिया ॥ ८७॥ विणएण पविसित्ता सगासे गुरुणो मुणी। इरियावहियमायाय आगओ य पडिक्कमे ॥८८॥ आभोएत्ताण नीसेसं अइयारं जहक्कम।। गमणागमणे चेव भत्तपाणे य संजए॥८९॥ उज्जुप्पन्नो अणुविग्गो अव्वक्खित्तेण चेयसा । आलोए गुरुसगासे जं जहा गहियं भवे ॥९॥ न सम्ममालोइयं होज्जा पुवि पच्छा व जं कडं। पुणो पडिक्कमे तस्स वोसिठ्ठो चिंतए इमं ॥९१॥ अहो "जिणेहिऽसावज्जा वित्ती साहूण दोसिया। मोक्खसाहणहेउस्स साहुदेहस्स धारणा ॥९२ ॥
१ ख. जयं च परिहवेज्जा. २. स. न खिवे. अ. क. ग. भिक्यु. ४ स. ग. उडुयं; घ. उंडुअं. ५ क. पुव्वं. ६ ख. वोसठ्ठो. ७ च. जिणेहि सावज्जा.
