________________
(९४)
-खाध्यायमाला.
एवायरिअं उवचिट्ठइज्जा, अणंतनाणोवगओ वि संतो ॥११॥ जस्संतिए धम्मपयाइ सिक्खे, तस्संतिए वेणइयं पउंजे । सकारए सिरसा पंजलीओ, कायग्गिरा भो मणसा अ निचं ॥ १२ ॥ लज्जा दया संजमबंभचेरं, कल्लाणभागिस्स विसोहिठाणं । जे मे गुरू सययमणुसासयंति, तेहिं गुरू सययं पूजयामि ॥ १३ ॥ जहा निसंते तवणचिमाली, पभासई केवलभारहं तु । एवायरिओ सुअसीलबुद्धिए, विरायई सुरमझे व इंदो ॥ १४ ॥ जहा ससी कोमुइजोगजुत्तो, नक्खत्ततारागणपरिवुडप्पा । खे सोहई विमले अब्भमुक्के, एवं गणी सोहइ भिक्खुमुज्झे ॥ १५॥ महागरा आयरिआ महेसी, समाहिजोगे सुअसीलबुद्धिए । संपाविउकामे अणुत्तराई, आराहए तोसइ धम्मकामी ॥ १६ ॥ सुच्चा ण मेहावी सुभासिआई, सुस्स्सए आयरिअप्पमत्तो। आराहइत्ताण गुणे अणेगे, से पावई सिद्धिमणुत्तरं त्ति बेमि ॥ १७ ॥ ॥ इअ विणयसमाहिज्झयणे पढमो उद्दसो समत्तो ॥
मूलाउ खंघप्पभवो दुमस्स, खंधाउ पच्छा समुर्विति साहा ।
साहप्पसाहा विरुहंति पत्ता, तओसि (से)पुष्पं च फलं रसोअ॥ ॥१॥ एवं धम्मस्स विणओ, मूलं परमो अ से मुक्खो, जेण कित्तिं सुअं सिद्धं, नीसेसं चाभिगच्छइ ॥ २ ॥ जे अ चंडे मिए थद्धे, दुबाई नियडी सढे। बुज्झइ से अविणीअप्पा, कटुं सोअगयं जहा ॥३॥ विणयम्मि जो उवाएणं, चोइओ कुप्पइ नरो । दिव्वं सो सिरिमिजंति, दंडेण पडिसेहिए ॥४॥ तहेव अविणीअप्पा, उववज्झा हया गया। दीसंति दुहमेहंता, आभिओगमुवडिआ ॥५॥ तहेव सुविणीअप्पा, उववज्झा हया गया। दीसंति सुहमेहंता, इड्डि पत्ता महायसा ॥ ६ ॥ तहेव अविणीअप्पा, लोगम्मि नरनारिओ । दीसंति दुहमेहंता, छाया ते विगलिंदिआ ॥ ७ ॥ दंडसत्थपरिज्जुन्ना, असब्भवयणेहि अ । कलुणा विवन्नछंदा, खुप्पिवासपरिग्गया ॥ ८॥ तहेव खुविणीअप्पा, लोगसि नरनारिओ । दासंति सुहमेहंता, इढिं पत्ता महायसा ॥९॥ तहेव अविणीअप्पा, देवा जक्खा अ गुज्झगा । दीसंति दुहमेहंता, आभिओगमुवट्टिआ। १० ॥ तदेव सुविणीअप्पा, देवा जक्खा अ गुज्झगा। दीसंति सुहमेहंता, इड्डेि पत्ता महायसा ॥ ११ ॥ जे आयरिअउवज्झायाणं, मुस्सूसावयणं करे । तेसिं सिक्खा पवड्दंति, जलसित्ता इव पायवा ॥ १२ ॥ अप्पणट्ठा परट्ठा वा, सिप्पा णेउणिआणि अ । गिहिणो उपभोगट्ठा, इहलोगस्स कारणा ॥ १३ ॥ जेण बंधं वहं घोरं, परिआवं च दारुणं । सिक्खमाणा निअच्छंति, जुत्ता ते ललिइंदिआ ॥ १४ ॥ ते वि तं गुरु पूअंति, तस्स सिप्पस्स कारणा । सकारंति नमसंति, तुट्ठा निर्देसवत्तिणो ।। १५ ।। किं पुण जे सुअग्गाही, अणंतहिअकामए । आयरिआ जं वए भिक्खू, तम्हा तं नाइवत्तए ॥ १६ ॥
