________________
श्रीउत्तराध्ययनसूत्र-तेविसमाध्ययनम् साहु गोयम पन्ना ते, छिन्नो मे संसओ इमो। अन्नो वि संसओ मज्झं, तं मे कहसु गोयमा ॥ ६४ ॥ महाउदगवेगेण, बुज्झमाणाण पाणिणं । सरणं गई पइट्ठा य, दीवं कं मन्नसी मुणी ।। ६५ ॥ अत्थि एगो महादीवो, वारिमझे महालओ । महाउदगवेगस्स, गई तत्थ न विजई ॥ ६६ ॥ दीवे य इइ के वुत्ते, केसी गोयममब्यवी। के सिमेवं बुवंतं तु, गोयमो इणमब्बवी ।। ६७ ॥ जरामरणवेगेणं, बुज्झमाणाण पाणिणं । धम्मो दीवो पइट्ठा य, गई सरणमुत्तमं ॥ ६८ ।। साहु गोयम पन्ना ते, छिन्नो मे संसओ इमो। अन्नो वि संसओ मज्झं, तं मे कहसुगोयमा ॥ ६९ ॥ अण्णवंसि महोहंसि, नावा विपरिधावई । जंसि गोयममारूढो, कहं पारं गमिस्मसि ।। ७० ।। जा उ सस्साविणी नावा,न सा पाररस गामिणी। जा निरस्साविणी नावा,साउ पारस्स गामिणी ॥ ७१ ॥ नावा य इइ का वुत्ता, केसी गोयममब्बवी । केसिमेवं बुवंतं तु, गोयमो इणमब्बवी ॥ ७२ ।। सरीरमाहु नाव त्ति, जीवे वुच्चइ नाविओ। संसारो अण्णवो वुत्तो, जं तरंति महेसिणो ॥ ७३ ॥ साहु गोयम पन्ना ते, छिन्नो मे संसओ इमो। अन्नो वि संसओ मज्झ, तं मे कहसु गोयमा ॥ ७४ ॥ अन्धयारे तमे घोरे, चिट्ठन्ति पाणिणो बहू । को करिस्सइ उज्जोयं, सबलोयम्मि पाणिणं ।। ७५ ॥ उग्गओ विमलो भाणू , सबलोयपभंकरो । सो करिसइ उज्जोयं, सबलोयम्मि पाणिणं ।। ७६ ।। भाणू य इइ के वुत्ते, केसी गोयममब्बवी। केसिमेवं बुवंतं तु, गोयमो इणमब्बवी ॥ ७७ ॥ उग्गओ खीणसंसारो, सवन्नू जिणभक्खरो । सो करिस्सइ उज्जोयं, सबलोयम्मि पाणिणं ॥ ७८ ॥ साहु गोयम पन्ना ते, छिन्नो मे संसओ इमो। अन्नो वि संसओ मज्झं, तं मे कहसु गोयमा ॥ ७९ ॥ सारीरमाणसे दुक्खे, बज्झमाणाण पाणिणं । खेमं सिवमणाबाहं, ठाणं किं मन्नसी मुणी ।। ८० ।। अत्थि एगंधुवं ठाणं, लोगग्गम्मि दुरारुहं । जत्थ नत्थि जरा मच्चू, वाहिणो वेयणा तहा ॥ ८१ ।। ठाणे य इइ के वुत्ते, केसी गोयममबवी। केसिमेवं बुवंतं तु, गोयमो इणमब्बवी ॥ ८२ । निव्वाणं ति अबाहं ति, सिद्धी लोगग्गमेव य । खेमं सिर्व अणाबाहं, जं चरंति महेसिणो ।। ८३ ।। तं ठाणं सासयं वासं, लोयग्गम्मि दुरारुहं । जं संपत्ता न सोयन्ति, भवोहन्तकरा मुणी ॥ ८४ ॥ साहु गोयम पन्ना ते, छिन्नो मे संसओ इमो। नमो ते संसयातीत, सव्वसुत्तमहोयही ।। ८५ । एवं तु संसए छिन्ने, केसी घोरपरक्कमे । अभिवन्दित्ता सिरसा; गोमयं तु महायसं ॥ ८६ ॥ पंचमह वयधम्मं, पडिवाजइ भावओ । पुरिमस्स पच्छिमम्मि, मग्गे तत्थ सुहावहे ॥ ८७ ।। केसीगोयमओ निचं, तम्मि आसि समागमे । सुयसीलसमुकंसो, महत्थत्थविणिच्छओ।' ८८ ।। तोसिया परिसा सवा, सम्मग्गं समुवटिया । संथुया ते पसीयत्तु. भयवं केसिगोयमे ॥ ८९ ।।
. त्ति बेमि ॥ केसिगोयमिजं समत्तं ॥ २३ ॥
