Page Text
________________
(२६)
श्रीजैन सिद्धान्त - स्वाध्यायमाला
नो निग्गंथे इत्थीहिं सद्धिं सन्निसेज्ज गए विहरेज्जा ॥ ३ ॥ नो इत्थीणं इन्दियाई मणोहराई मणोरमाई आलोहत्ता निज्झाइत्ता हवइ से निग्गन्थे । तं कहमिति चे आयरियाह । निग्गन्थस्स खलु इत्थीणं इन्दियाई मणोहराई मणोरमाइं आलोएमाणस्स निज्झायमाणस्स बम्भयारिस्स बम्भचेरे संका वा कंखा वा विइगिच्छा वा समुप्पज्जिज्जा, भेदं वा लभेजा, उम्मायं वा पाउणिजा, दीहकालिय वा रोगायकं हवेजा, केवलिपन्नत्ताओ धम्माओ भंसेजा । तम्हा खलु नो निग्गन्थे इत्थीणं इन्दियाई मणोहराई मणोरमाई आलोएज्ज निज्झाएजा ॥ ४ ॥ नो इत्थीणं कुडुन्तरंसि वा दूसन्तरंसि वा मित्तन्तरंसि वा कूइयसद्दं वा रुइयसद्दं वा गीयसद्दं वा इसियसद्दं वा थणियसद्दं वा कन्दियस वा विलवियसद्दं वा सुणेत्ता हवइ से निग्गन्थे । तं कहमिति चे । आयरियाह । निग्गन्थस्स खलु इत्थीणं कुडुन्तरंसि व दूसन्तरंसि वा मित्तन्तरंसि वा कूझ्यसद्दं वा रुइय सद्दं वा गीयसद्दं ना हसियस वा थणियसद्दं वा कन्दिय सद्दं वा विलवियसद्दं वा सुणेमाणस्स बम्भयारिस्स बम्भचेरे संका वा कंखा वा विगिच्छा वा समुप्पजिजा, भेदं वा लभेजा, उम्मायं वा पाउणिज्जा, दीहकालियं वा रोगायकं हवेज्जा केवलिपन्नत्ताओ धम्माओ भंसेजा । तम्हा खलु नो निग्गन्थे इत्थीणं कुडुन्तरंसि वा दूसन्तरंसि वा भित्तन्तरंसि वा कूइयसद्दं वा रुइयसद्दं वा गीयसद्दं वा हसियसद्दं वा थणियसद्दं वा कन्दियसद्दं वा विलवियस वा सुलेमाणे विहरेजा ।। ५ ।। नो निग्गन्थे पुवरयं कीलियं अणुसरिता हवइ से निग्गन्थे तं कहमिति चे । आयरियाह । निग्गन्थस्स खलु पुवरयं कीलियं अणुसरमाणस्स बम्भयारिस्स बम्भचेरे संका वा कंखा वा विइगिच्छा वा समुप्पजिजा, भेदं वा लभेजा, उम्मायं वा पाउणिज्जा, दीहकालियं वा रोगायकं हवेजा, केवलिपन्नत्ताओ धम्माओ सेजा । तम्हा खल नो निग्गण्थे पुन्वरयं पुवकीलियं अणुसरेजा ।। ६ ।। नो पणीयं आहारं आहरित्ता हवड़ से निग्गन्थे । तं कहमिति चे । आयरियाह । निग्गन्थस्स खलु पणीयं आहारं आहारेमाणस्स बम्भयारिस्स बम्भचेरे संका वा कंखा वा विइगिच्छा वा समुप्पजिजा, भेदं वा लभेज्जा, उम्मायं वा पाउणिजा, दीहकालियं वा रोगायकं हवेजा, केवलिपन्नत्ताओ धम्माओ भंसेज्जा । तम्हा खलु नो निग्गन्थे पणीयं आहारं आहारेज्जा || ७ || नो अइमायाए पाणभोयणं आहारेता हव से निग्गन्थे । तं कहमिति चे | आयरियाह । निग्गन्थस्स खलु अइमायाए पाणभोयण आहारेमाणस्स बम्भयारिस्स बम्भचेरे संका वा कंखा वा विइगिच्छा वा समुप्पञ्जिञ्जा, भेदं वा लभेज्जा, उम्मायं वा पाउणिज्जा, दीलकालियं वा रोगायकं हवेज्जा, केवलिपन्नत्ताओ धम्माओ भंसेज्जा । तम्हा खलु नो निग्गन्थे अइमायाए पाणभोयणं आहारेज्जा | ८ || नो विभूसाणुवादी हव से निग्गन्थे । तं कहमिति चे आयरियाह । विभूसावत्तिए विभूसियसरी रे इत्थि - जणस्स अभिलसणिजे हवइ तओ णं इत्थिजणेणं अभिलसिज्जमाणस्स बम्भचेरे संका वा कंखा वा विगच्छा वा समुपज्जिज्जा, भेदं वा लभेज्जा, उम्मायं वा पाउणिज्जा, दीहकालिय वा रोगायकं हवेज्जा, केवलिपन्नत्ताओ धम्माओ भंसेज्जा । तम्हा खलु नो निग्गन्थे विभूसाणुवादी हविज्जा ॥ ६ ॥ नो सद्दरूवरसगन्धफासाणुवादी हवाइ से निग्गन्थे । तं कहमिति चे | आयरियाह | निगन्थस्स खलु सद्दरूवगन्धफासाणुवादिस्स बम्भयारिस्स बम्भचेरे संका वा कंखा वा विइगिच्छा वा समुज्जिज्जा, भेदं वा लभेज्जा, उम्मायं वा पाउणिज्जा, दीहकालियं वा रोगायक हवेज्जा, केव
1
-
| SR No. | 022590 |
| Book Title | Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang |
| Original Sutra Author | N/A |
| Author | Hiralal Hansraj |
| Publisher | Hiralal Hansraj |
| Publication Year | 1938 |
| Total Pages | 136 |
| Language | Sanskrit |
| Classification | Book_Devnagari, agam_dashvaikalik, agam_uttaradhyayan, & agam_nandisutra |
| File Size | 14 MB |