________________
श्रीजैनसिद्धान्त-स्वाध्यायमाला.
तं पुवनेहेण कयाणुरागं, नराहिवं कामगुणेसु गिदं । धम्मस्सिओ तस्स हियाणुपेही, चित्तो इम वयणमुदाहरित्था ॥ १५ ॥ सव्वं विलवियं गीयं, सव्वं नटुं विडम्बियं । सवे आभरणा भारा, सव्वे कामा दुहावडा ॥ १६ ॥ बालाभिरामेसु दुहावहेसु, न त सुहं कामगुणेसु राय । विरत्तकामाण तवोहणाणं, जं भिक्खुणे सीलगुणे रयाणं ॥ १७॥ नरिंद जाई अहमा नराणं, सोवागजाई दुहओ गयाणं । जहिं वयं सव्यजणस्स, वेस्सा, वसी य सोवागनिवेसणेसु ॥ १८ ॥ सीसे य जाईइ उ पावियाए, वुच्छानु सोवागनिवेसणेसु । सव्वस्प लोगस्स दुगंछणिज्जा, इहं तु कम्माइ पुरे कडाइं ॥ १९ ॥ सो दाणि सिं राय महाणुभागो, महिड्ढी पुण्णफलोववेओ। चइत्तु भोगाइ असासयाई, आदाणहेउं अमिणिक्खमाहि ॥ २० ॥ इह जीविए राय असासयम्मि, धणियं तु पुण्णाइ अकुव्यमाणो । से सोयई मच्चुमुहोवणीए, धम्मं अंकाऊण परंसि लोए ॥ २१ ॥ जहेह सीहो व मियं गहाय, मच्चू नरं नेइ हु अन्तकाले । न तस्स माया व पिया व भाया, कालम्मि तम्मंसहरा भवन्ति ।। २२ ॥ नतस्स दुक्खं विभयन्ति, नाइओ, न मित्तवग्गा न सुयान बंधवा । एको सयं पञ्चणुहोइ दुक्खं, कत्तारमेव अणुजाइ कम्मं ॥ २३ ॥ चेच्चा दुपयं च चरप्पयं च, खेतं गिहं धणधनं च सव्वं । सकम्मवीओ अवसो पयाइ, परं भवं सुंदर पावगं वा ॥ २४ ॥ तं एक तुच्छसरीरगं से, चिईगयं दहिय उ पावगेणं । मज्जा य पुत्तावि य नायओ य, दायरमन्नं अणुसंकमन्ति ॥ २५ ॥ उवणिजई जीवियमप्पमायं. वणं जरा हरइ नरस्स राय । पंचालराया वयणं सुणाहि, मा कासि कम्माइ महालयाई ॥ २६ ॥ अहं पि जाणामि जहेह साहू, जं मे तुमं साहसि वक्कमेयं । भोगा इमे संगकरा हवन्ति, जे दुजया अजो अम्हारिसेंहिं ॥ २७ ॥ हत्थिणपुरम्मि चित्ता, दट्टणं नरवई महिड्ढीयं । कामभोगेसु गिद्धेणं, नियाणमसुहं कडं ।। २८ ॥ तस्त मे अपडिकन्तस्स, इमं एयारिसं फल । जाणमाणो वि जं धम्म, कामभोगेसु मुच्छिओ ॥ २९ ॥ नागो जहा पंकजलावसन्नो, द? थलं नाभिसमेइ तीरं । एवं वयं कामगुणेसु गिद्धा, न भिक्खुणो मग्गमणुब्वयामो ॥ ३० ॥ अच्चेइ कालो तरन्ति राइओ, न यावि भोगा पुरिसाण निच्चा ।
