Page Text
________________
.(११२)
श्रीजैनसिद्धान्त-स्वाध्यायमाला.
सोही, वीयरागसुयं, संडेहणासुयं, विहारकप्पो, चरणविही, आउरपच्चक्खाणं, महापच्चक्खाणं, एवमाई; से उकालियं । से किं तं कालियं? कालियं अणेगविहं पण्णचं, तंजहा-उत्तुरज्झयणाई, दसाओ, 'कप्पो, ववहारो, निसीहं, महानिसीह, इसिभासियाई, जम्बूदीवपन्नत्ती, दीवसा गरपन्नत्ती, चंदप“पन्नत्ती, खुड्डिया विमाणपविभत्तोमहल्लिया विमाणपविभत्ती, अंगचूलिया, वग्गचूलिया, विवाहचूलिया, अरुणोववाए, वरुणोववाए, गरुलोववाएं, धरणोववाए, वेसमणोववाए. वेलंधरोववाए, देविंदोववाए, णट्ठाणसुए, समुट्ठाणसुए, नागपरियावलियाओ, निरयावलियाओ कप्पियाओ, कप्पवाड. सियाओ, पुफियाओ, पुप्फचूलियाओ, वहीदसाओ, आसीविसभावणाणं, दिट्ठिविसभावणाणं, सुमिण भावणणं महासुमिणभावणाणं, तेयग्गिनिसग्गाणं, एवमाइयाइं चउरासीई पइन्नगसहस्साई "भगवओ अरहओ उसहसामिस्स आइतित्थयरस्स, तहा संखिज्जाइं पइन्नगसहस्साई मज्झिमगाणं जिणवराणं, चोद्दस पइन्नगसहस्साई भगवओ बद्धमाणसामिस्स, अवहा जस्स जत्तिया सीसा उप्पत्तियाए, वेणइयाए कम्मयाए, पारिणामियाए, चरविहाए बुद्धीए उववेया तस्स तशियाई पइण्णगसहस्साई, पत्तेयबुद्धावि तत्तिया चेव, से सं कालियं, से सं आवस्सयवइरि, से अणंगपविट्ठ ॥ सू० ॥४३॥ से किं तं अंगपविलु ? अंगपविट्ठ दुवालसविं पण्णत्तं, तंजहा-आयारो १ सूयगडो २ ठाणं ३ समवाओ ४ विवाहपन्नत्ती ५ नायाधम्मकहाओ ६ उवासदसाओ ७ अंतगडदसाओ ८ अणुत्तरोववाइयदमाओ ९ पण्हावागरणाई १० विवागसुयं ११ दिहिवाओ १२ ॥ सू० ४४ ॥ से किं तं आयारे ? आयारे णं समणाणं निग्गंथाणं आयारगोयरविणयवेणइयसिक्खाभासाअभासाचरणकरणजायामायावित्तीओ आघविज्जति, से समा सओ पंचविहे पण्णते, तंजहा-नाणा. यारे दंसणायारे, चरित्तायारे, तवायारे, वीरियायारे, आयारेणं परित्ता वायणा, संखेजा, अणुओगदारा, संखिज्जा वेढा, संखेजा सिलोगा, संखिजाओ निज्जुत्तीओ,संखिजाओ संगहणीओ, संखिजाओ पडिवत्तीओ, से णं अंगट्टयाए पढमे अंगे, दो सुयक्खंधा, पणवीसं अज्झयणा, पंचासीइ उद्देसणकाला, पंचासीइ समुद्देसणकाला, अट्ठारस पयसहस्साई पयग्गेणं, संखिजा अक्खरा, अणंता गमा, अणंता पजवा, परित्ता तसा, अणंता थावरा, सासयकडनिबद्धनिकाइया जिणपण्णत्ता भावा आघविज्जति पन्नविज्जंति, परुविज्जंति, दंसिज्जंति, निदंसिज्जंति. उवदंसिज्जंति. से एवं आया, एवं नाया, एवं विण्णाया, एवं चरणकरणपरूवणा आघविजइ, से सं आयारे १ ॥ सू० ।। ४५॥ से किं तं सूयगडे ? सूयगडे णं लोए सूइज्जइ, अलोए सूइज्जइ, लोयालोए सूइज्जइ, जीवा सूइज्जंति, अजीवा सूइज्जंति, जीवाजीवा सूइज्जति, ससमए सूइज्जद, परसमए सूइज्जइ, ससमयपरसमए सूइज्जइ, सूयगडे णं असीयस्स किरियावाइसयस्स, चउरासीइए अकिरियावाईणं, सत्तट्ठीए अण्णाणीयवाईणं, बत्तीसाए वेणइयवाईणं, तिण्हं तेसट्ठाणं पासंडियसयाणं वृहं किचा ससमए ठाविजइ, सूय. गडे णं परित्ता वायणा, संखिजा, अगुओगदारा, संखेजा वेढा, संखेजा सिलोगा, संखिजाओ निज्जुत्तीओ, संखिज्जाओ संगहणीओ, संखिज्जाओ पडिवत्तीओ, से णं अंगट्टयाए बिइए अंगे, दो सुयक्खंधा, तेवीसं अज्झयणा, तित्तीसं उद्देमणकाला, तित्तीसं समुद्दे सणकाला, छत्तीसं पयसहस्साई पयग्गेणं, संखिज्जा, अक्खरा, अणंता गमा, अणंता पजवा, परित्ता तसा, अणंता थावरा, सासयकडनिबद्धनिकाइया जिणपण्णत्ता भावा आघविज्जति, पणविज्जति, परुविज्जति, दंसिज्जंति, निदं
| SR No. | 022590 |
| Book Title | Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang |
| Original Sutra Author | N/A |
| Author | Hiralal Hansraj |
| Publisher | Hiralal Hansraj |
| Publication Year | 1938 |
| Total Pages | 136 |
| Language | Sanskrit |
| Classification | Book_Devnagari, agam_dashvaikalik, agam_uttaradhyayan, & agam_nandisutra |
| File Size | 14 MB |