________________
પહેલી આવૃત્તિની પ્રસ્તાવના શ્રી શ્રી શ્રી સિન્ક્રભવસૂરિ મહારાજે પોતાના પુત્ર અને શિષ્ય મનક મુનિનું અલ્પાયુષ્ય જ્ઞાનબળથી જોયું અને તેમના ઉપકારને અર્થે આ શ્રી દશવૈકાલિક સૂત્ર આગમમાંથી ઉદ્ધરીને રચ્યું. તે મનક મુનિના સ્વર્ગગમન પછી પાછું ભંડારવા માંડ્યું, પણ સાંપ્રતકાળમાં સાધુ- સાધ્વીઓને અતિ ઉપકારી થશે એવી શ્રી સંઘની વિજ્ઞપ્તિથી તે તેમના પઠન-પાઠન માટે રાખ્યું, અને તે પ્રમાણે હાલમાં દીક્ષા લીધા પછી તરત જ દરેક સાધુ-સાધ્વીને ભણાવવામાં આવે છે. - હવે તે સૂત્ર ભણવાને સુગમ પડે તેવા હેતુથી સાધ્વીજી હિતશ્રીજી તથા ઉત્તમશ્રીજી મ.ના ઉપદેશથી કેટલાક શ્રાવક ભાઈઓ તથા બહેનોએ મદદ આપી તે વડે ટુલાઈન ગ્રેટ મીટર ટાઈપમાં નિર્ણયસાગર પ્રેસમાં સુરત નિવાસી ભાઈ નાનચંદ ભાયચંદે પ00 નકલો છપાવી બહાર પાડી અને તે સાધુ-સાધ્વીઓને વહેંચવામાં આવી. ત્યાર પછી ઉક્ત સાધ્વીજી મહારાજનો આજ દશવૈકાલિક સૂત્ર શુદ્ધતાપૂર્વક અર્થ સાથે બહાર પડે તો વધારે લાભદાયક થાય એવો વિચાર થયો અને તેઓ રામપુરે પધાર્યા ત્યારે પંન્યાસજી શ્રી કેશરવિજયજી ગણિ ત્યાં હતા. તેમનો મેળાપ થયો, ત્યાં તેમનો ઉપરનો વિચાર દર્શાવ્યો ત્યારે ઉક્ત પંન્યાસજીએ કહ્યું કે મારી પાસે કેટલાક વર્ષથી તેનું સરળ ભાષાંતર તૈયાર છે તે તમારા કામમાં આવશે. ત્યાર બાદ તેના ખર્ચ માટે શ્રાવક ભાઈઓ તથા બહેનોને સતત ઉપદેશ દઈ મદદ કરાવી, તે માટે તેમના તથા ઉક્ત પંન્યાસજીએ ભાષાંતર આ કામ માટે આપ્યું અને સુધાર્યું તેને માટે તેમનો ઉપકાર માનવામાં આવે છે.
લી. ઝવેરી ફકીરચંદ ઘેલાભાઈ - સુરત સંવત ૧૯૭૭, સને ૧૯૧૧
