Page Text
________________
ભોજનશાળાનું ઉદ્ઘાટન કરવામાં આવ્યું. ઉદ્ઘાટન પ્રસંગે સાધ્વી તથા શ્રાવક-શ્રાવિકાઓ તરફથી તીવ્ર માંગણી થવાથી સાધુ-સાધ્વી-શ્રાવક અને શ્રાવિકા ચતુર્વિધ સંઘ માટે આરાધના કેન્દ્રો સ્થાપિત કરવાનું નિશ્ચય કરવામાં આવ્યું. ભોજનશાળામાં યાત્રાળુ સાધર્મિકબંધુઓ જમી જાય તો સાધુ-સાધ્વીજીઓને નિર્દોષ આહારની પ્રાપ્તિ થાય તે હેતુથી સં. ૨૦૩૧ના વૈશાખ સુદ-૩થી સં. ૨૦૩૯ની સાલ સુધી ફક્ત સવા રૂપિયાના ચાર્જમાં સાધર્મિકોની ભક્તિ કરી. ત્યારબાદ સં. ૨૦૩૯થી આજપર્યત ૩ રૂપિયાના ચાર્જમાં શ્રાવક, શ્રાવિકાઓની ભક્તિ થાય છે અને નિર્દોષ આહાર, પાણી, ઔષધિ દ્વારા સાધુ-સાધ્વીજીઓની પણ ભક્તિ થઈ રહેલ છે. પૂજ્યોની કૃપા અને શાસનદેવની સહાયથી જૈન સમાજના ભાગ્યશાળી દાતાઓના સહકારથી ભોજનશાળા, સાધુસાધ્વી, શ્રાવક-શ્રાવિકાઓ માટે અલગ અલગ વિશાળ કેન્દ્રો તેમજ બે વિશાળ ધર્મશાળાઓ અને અન્નક્ષેત્ર વગેરે કાર્યો દ્વારા શાસન સેવા થઈ રહેલ છે.
તેમાં સોનામાં સુગંધ સમાન પરમ પૂજ્ય યોગનિષ્ઠ આચાર્ય વિજય કેસરસૂરીશ્વરજી મ.સા. લિખિત ઉત્કૃષ્ટ સાહિત્ય જે ગુજરાતી, હિન્દી તથા અંગ્રેજીમાં મુદ્રિત કરી જૈન સંઘ સામે મૂકવાનું સૌભાગ્ય પણ પ્રાપ્ત થયેલ છે. તેમાં મહાબલ મલયાસુંદરી ચરિત્ર, જેની પુસ્તકાકારે અનેક આવૃત્તિઓ છપાયેલી છતાં સાધુ-સાધ્વીજીઓની માગણીને લક્ષમાં રાખી પ્રતાકારે છપાવવાની પ્રેરણા પૂજ્ય આચાર્યદેવશ્રી હેમપ્રભસૂરીશ્વરજી મ. સાહેબે સાયન સંઘને આપી અને રાજકુમારી સુદર્શન ચરિત્ર તેની પ્રેરણા બાબુ અમીચંદ પન્નાલાલ ટ્રસ્ટના સહયોગથી અમારી સંસ્થાએ પ્રગટ કરેલ છે. મહાબલ મલયાસુંદરી ચરિત્ર પૂજ્ય યોગનિષ્ઠ આચાર્ય વિજય કેસરસૂરીશ્વરજી મ.સા.ની અર્ધશતાબ્દી નિમિત્તે તેમજ રાજકુમારી સુદર્શના પૂજ્યશ્રી હેમપ્રભસૂરીશ્વરજી મ.સા.ની આચાર્ય પદવીની સ્મૃતિમાં પ્રતાકારે પ્રગટ કરવામાં આવી છે. આ બંને પ્રતો પૂજ્ય સાધુસાધ્વીજી મસા.ને અને જ્ઞાનભંડારોમાં ભેટ આપવામાં આવે છે.
પૂજ્ય આચાર્યદેવશ્રી આદિ શિષ્ય, પ્રશિષ્યો સાથે કોલ્હાપુર, મહારાષ્ટ્રમાં ગુજરી જૈન સંઘના આગ્રહથી ત્યાં ચાતુર્માસ બિરાજેલા. ચાતુર્માસનાં ચારે માસ પ્રવચનમાં શ્રી શાંતિસૂરીશ્વરજી કૃત શ્રી ધર્મરત્ન પ્રકરણ ઉપર પ્રભાવિક પ્રવચનો થયા. તે સમયે પૂજ્ય આચાર્યદેવશ્રીને અંતરમાં એવી ભાવના થઈ કે આ ગ્રંથરત્નનું ભાષાંતર કરી પ્રતાકારે પ્રકાશિત કરવામાં આવે તો સાધુ-સાધ્વીજીઓને સ્વાધ્યાય તેમજ પ્રવચનોમાં ઉપયોગી થાય અને એ અરસામાં ભાવનગર શ્રી આત્માનંદ જૈન સભા પ્રકાશિત વર્ષો પહેલાં પ્રગટ થયેલ પુસ્તકાકારે ધર્મરત્ન પ્રકરણનું ભાષાંતર મળી જતાં ગુજરી જૈન સંઘ તથા લક્ષ્મીપૂરી જૈન સંઘને પ્રેરણા આપતાં આ ગ્રંથરત્ન પ્રકાશિત કરવામાં આ સંઘોનો સહકાર મળતાં કાર્ય ખૂબ જ સરળ બનેલ છે.
| SR No. | 022585 |
| Book Title | Dashvaikalik Sutra |
| Original Sutra Author | N/A |
| Author | Vijaykesharsuri |
| Publisher | Muktichandra Shraman Aradhana Trust |
| Publication Year | 1999 |
| Total Pages | 212 |
| Language | Gujarati, Sanskrit |
| Classification | Book_Devnagari, Book_Gujarati, & agam_dashvaikalik |
| File Size | 16 MB |