________________
६२ उत्तराध्यनसूत्रम् (अध्ययन १८)
॥ अह संजइज्जं अट्ठारहमं अज्झयणं ॥ . कंपिल्ले नयरे राया, उदिण्णबलवाहणे । नामेणं संजए नाम, मिगव्वं उवणिग्गए ॥ १ ॥ हयाणीए गयाणीए, रहाणीए तहेव य ।। पायत्ताणीए महया, सव्वओ परिवारिए ॥ २ ॥ मिए छभित्ता हयगओ, कंपिलुज्जाण केसरे । भीए संते मिए तत्थ, वहेइ रसमुच्छिए ॥ ३ ॥ . अह केसरम्मि उज्जाणे, अणगारे तवोधणे । सज्झायज्झाणसंजुत्ते, धम्मज्झाणं झियायइ ॥ ४ ॥ अप्फोवमंडवम्मि, झायइ क्खवियासवे । तस्सागए मिगे पास, वहेई से नराहिवे ॥ ५ ॥ अह आसगओ राया, सिग्धमागम्म सो तहिं । हए मिए उ पासित्ता, अणगारं तत्थ पासई ॥ ६ ॥ अह राया तत्थ संभंतो, अणगारो मणा हो । मए उ मंदपुण्णेणं, रसगिद्धेण घण्णुणा ॥ ७ ॥ आसं विसज्जइत्ताण, अणगारस्स सो निवो । विणएण वंदए पाए, भगव एत्थ मे खमे ॥ ८ ॥ अह मोणेण सो भगव, अणगारे झाणमस्मिए । रायाण न पडिमंतेइ, तओ राया भयद्दुओ ॥ ९ ॥ संजओ अहमम्मीति, भगव वाहराहि मे । कुद्धे तेएण अणगारे, डहेज्ज नरकोडिओ ॥ १० ॥
