________________
उत्तराध्यनसूत्रम् (अध्यनन १७) सेज्जा दढा पाउरणम्मि अत्यि, उप्पज्जई भोतु तहेव पाउं । जाणामि ज वट्टइ आउसो त्ति, किं नाम काहामि सुएण भंते ॥ २ ॥ ... जे केई पव्वइए, निहासीले पगामसेो । .. भोच्चा पेच्चा सुहं सुवइ, पावसमणे त्ति वुच्चई ॥ ३ ॥ आयरियउवज्झाएहिं, सुयं विणयं च गाहिए । ते चेव खिसई बाले, पावसमणे त्ति वुच्चई ॥ ४ ।। आयरियउवज्झायाण, सम्म न पडितप्पइ । अपडिपूयए थद्धे, पावसमणे त्ति वुच्चई ।। ५ ।। संमद्दमाणी पाणाणि, वीयोणि हरियाणि य । असंजए संजयमन्नमाणा, पावसमणे त्ति वुच्चई ॥ ६ ॥ संथार फलगं पीढ, निसेज्ज पायकंवल । अप्पमजियमारुहइ, पावसमणे त्ति वुच्चई ॥ ७ ॥ दवदवस्स चरई, पमत्ते य अभिक्खणं । उल्लंघणे य चंडे य, पावसमणे त्ति वुच्चई ।। ८ ।। पडिलेहेइ पमत्ते. अवउज्झइ पायकं बलं । पडिलेहा अणाउत्ते, पावसमणे त्ति वुच्चई ॥ ९ ॥ पडिलेहेइ पमत्ते, से किंचि हु निसामिया । गुरुपारिभावए निच्चं, पावसमणे त्ति वुच्चई ।। १० ।। बहुमाई य मुहरी, थद्धे लुद्धे अणिग्गहे । असंविभागी अवियत्ते, पावसमणे त्ति वुच्चई ।। ११ ।।
