________________
उत्तराध्ययन सूत्रम् (अध्ययनं १३) सव्व विलवियं गीय, सव्व नट्ट विडंलिय । सव्वे आभरणा भारा, सव्वे कामा दुहावहा ॥ १६ ॥ बालाभिरामेसु दुहावहेसु, न त सुहं कामगुणेसु राय । विरत्तकामाण तवोहणाण, भिक्खुण सीलगुणे रयाण ॥१७।। नरिंद जाई अहमा नराण', सोवागजाई दुहओ गयाण । जहिं वयं सव्वजणस्स वेस्सा, वसी य सेोवागनिवेसणेसु ॥१८॥ तीसे य जाईइ उ पावियाए, वुच्छामु सोवागनिवेसणेसु । सव्वस्स लोगस्स दुगंछणिज्जा, इह तु कम्माइ पुरे कडाई ।।१९।। सेो दाणि सिं राय महाणुभागो, महिइढिओ पुण्णफलोबवेआ । चइत्तु भेोगाइ असासयाई, आदाणहेउ अभिणिक्खमाहि ॥२०॥ इह जीविए राय असासयम्मि, धणिय तु पुण्णाइ अकुब्वमाणो । से सोयई मच्चुमुहोवणीए, धम्म अकाऊण परम्मि लोए ।।२१॥ जहेह सीहो व मियं गहाय, मच्चू नर नेइ हु अंतकाले । न तस्स माया व पिया व भाया, कालम्मि तम्मंसहरा भवंति
॥२२॥ न तस्स दुक्ख विभयंति नाइओ, न मित्तवरगान सुया न बधवा । एक्को सय पञ्चणुहाइ दुक्ख, कत्तारमेव अणुजाइ कम्म ॥२३॥ चेचा दुपयं च चउप्पयं च, खेत्तं गिहं धणधनं च सव्वं । सकम्मबीओ अवसो पयाइ, पर' भवं सुंदर पावर्ग वा ॥२४॥ त एक तुच्छसरीरंग से, चिईगय दहिय उ पावगेणं । भजा य पुत्तावि य नायओ य, दायारमन्न अणुसंकमति ।
॥ २५॥
