________________
उत्तराध्ययनसूत्रम् (अध्ययन ३६) असंखकालमुक्कासं, अतोमुहुत्त जहन्नग । कायठिई तेऊण', तं कायं तु अमुचओ ॥११५।। अणंतकालमुक्कासं, अंतोमुहुत्तं जहन्नगं । विजमि सए काए, तेऊजीवाण अंतर ॥१६॥ एएसिं वण्णओ चेव, गंधओ रसफासओ । संठाणदेसओं वावि, विहाणाई सहस्ससो ॥१७॥ दुविहा वाउजीवा उ, सुहुमा बायरा तहा । पज्जत्तमपज्जत्ता, एवमेए दुहा पुणो ॥१८॥ बायरा जे उ पज्जत्ता, पंचहा ते पकित्तिया । उक्कलिया मंडलिया, घणगुजा सुद्धवाया य ॥१९॥ संवट्टगवाते वा, गहा एवमायओ । एगविहमणाणत्ता, सुहुमा तत्थ वियाहिया ॥ २० ॥ सुहुमा सव्वलेोगम्मि, एगदेसे य बायरा । । इत्तो कालविभागं तु, तेसिं वुच्छ चउब्विह ॥ २१ ॥ संतई पप्प नाईया, अपज्जवसिया वि य । ठिई पडुच्च साईया, सपज्जवसिया वि य ॥ २२ ॥ तिण्णेव सहस्साई, वासाणुक्कोसिया भवे । आउठिई वाऊणं, अंतोमुहुत्तं जहनिया ॥ २३ ॥ असंखकालमुक्कोस, अंतोमुहुत्तं जहन्नग । कायठिई वाऊणं, त कायं तु अमुचओ ॥ २४ ॥ अणतकालमुक्कोस, अंतोमुहुत्तं जहन्नयं । विजमि सए काए, बाऊजीवाण अंतर ॥ १२५ ॥
