________________
१५२ उत्तरध्ययनसूत्रम् (अध्ययन ३४) जह गोमढस्स गधा, सुणगमडस्स व जहा अहिमडस्स । एत्तो वि अणतगुणो, लेसाणं अप्पसत्थाणं ॥ १६ ॥ जह सुरहिकुसुमगो, गधवासाण पिस्समाणाणं । एत्तो वि अणंतगुणो, पसत्थलेसाण तिण्ह पि ॥ १७ ॥ जह करगयस्स फासो, गोजिमाए य सागपत्ताण । एनो वि अणतगुणो, लेसाण अप्पसत्थाण ।। १८ ।। जह बूरस्स व फासो, नवणीयस्स व सिरीसकुसुमाणं । एत्तो वि अणतगुणो, पसत्थलेसाण तिण्ह पि ॥ १९ ॥ तिविहा व नवविही वा, सत्तावीसइविहेक्कसीओ वा । दुसओ तेयाला वो. लेसाण होइ परिणामा ॥ २० ॥ पंचासवप्पवत्तो, तीहिं अगुत्तो छसु अविरओ य । तिव्वारंभपरिणओ, खुडो साहस्सिओ नरो । २१ ।। निद्धंधसपरिणामा; निस्संसो अजिइंदिओ। एयजोगसमाउत्तो, किण्हलेस तु परिणमे ॥ २२ ॥ ईसा अमरिस अतवो, अविजमाया अहीरिया । गेही पओसे य सढे, पमत्ते रसलोलुए ॥ २३ ॥ सायगवेसए य आरंभाओ अविरओ, खुड़ों साहस्सिओ नरो। एयजोगसमाउत्तो, नीललेस तु परिणमे ॥ २४ ॥ वंके वंकसमायारे, नियडिल्ले अणुज्जुए । पलिउचगओवहिए, मिच्छट्ठिी अणारिए । २५ ।। उप्फासगदुद्रुवाई य, तेणे यावि य मच्छरी । एयजोगसमाउत्तो, काऊलेस तु परिणमे ॥ २६ ॥
