________________
१०८ उत्तराध्ययनसूत्रम् (अध्ययन २६) उड्ड थिर अतुरिय', पुव्वं ता वत्थमेव पडिलेहे । तो बिइय पम्फाडे, तइयं च पुणो पमजिज्ज ॥ २४ ॥ अणच्चाविय अवलिय, अणाणुबंधिममोसलिं चेव । छप्पुरिमा नव खोडा, पाणीपाणिविसेोहण ।। २५ ॥ आरभडा सम्मदा, वज्जेयव्वा य मासली तइया । पाफोडणा चउत्थी, विक्खित्ता वेइया छट्ठी ।। २६ ।। पसिढिलपलंबलोला, एगो मेसा अणेगरूवधुणा । कुणइ पमाणिपमाय, संकियगणणावगं कुज्जा ।। २७ ।। अणूणाइरित्तपडिलेहा, अविवच्चासा तहेव य । पढमं पय पसत्थं, सेसाणि य अप्पसत्थाई ।। २८ ।। पडिलेहणं कुणतो, मिहेोकह कुणइ जणवयकह वा । देइ व पच्चक्खाण , वाएइ सयं पडिच्छइ वा ।।२९।। पुढवी आउक्काए, तेऊ वोऊ-वणस्सइ तसाण । पडिलेहणापमत्तो, छह पि विराहओ हेाइ ।। ३० ।। पुढवी-आउक्काए, तेऊ-वाऊ बणस्सइ-तसाण । पडिलेह-णाआउत्तो, छह संरक्खओ होइ ।। ३१ ।। तइयाए पारिसीए, भत्त पाण गवेसए । छह अन्नयराए, कारणम्मि उवट्ठिए । ३२ ।। वेयण-वेयावच्चे, इरियडाए य संजमठ्ठाए । तह पाणवत्तियाए, छटुं पुण धम्मचिंताए ।। ३३ ।। निग्णथो धिइमतो, निग्गथी वि न करेज्ज छहिं चेव । थाणेहि उ इमेहि, अणइक्कमणाइ से हाइ ॥ ३४ ।।
