________________
१०० उत्तराध्ययनसूत्रम् (अध्ययन २४) चक्खुसा पडिलेहित्ता, पमज्जेज जयं जई । आइए निक्खिवेज्जा वा, दुहओ वि समिए सया ॥१४॥ उच्चारं पासवणं, खेल सिंघाणजल्लियं । आहारं उवहिं देह, अन्नं वावि तहाविह ॥ १५ ॥ अणावायमसलाए, अणावाए चेव होइ सलाए । आवायमसलाए, आवाए चेव सलाए ॥ १६ ॥ अणावायमसलाए, परस्सणुवघाइए । समे अज्झुसिरे यावि, अचिरकालकम्मि य ।। १७ ।। वित्थिण्णे दूरमोगाढे, नासन्नं विलवज्जिए । तसपाणबीयरहिए, उच्चाराईणि वासिरे ।। १८ ।। एयाओ पंच समिईओ, समासेण वियाहिया । एत्तो तओ य गुत्तीओ, वाच्छामि अणुपुब्वसा ।। १९ ।। सच्चा तहेव मासा य, सच्चमोसा तहेव य । चउत्थी असच्चमोसा य, मणगुत्तीओ चउव्विहा ।। २० ।। संरंभसमारंभे, आरभे य तहेव य । मण पवत्तमाणं तु, नियत्तेन्ज जयं जई ॥ २१ ॥ सच्चा तहेव मासा य, सच्चमासा तहेव य । चउत्थी असच्चमोसा य, वइगुत्ती चउव्विहा ॥ २२ ॥ संरभसमारंभे, आरंभे य तहेव य । वयं पवत्तमाणं तु, नियत्तेज जयं जई ।। २३ ।। ठाणे निसीयणे चेव, तहेव य तुयट्टणे । उल्लंघणपल्लघणे, इंदियाण य जुजणे ।। २४ ।।
