________________
९८ उत्तराध्ययनसूत्रम् (अध्ययन २३) खेम सिवं अणाबाह, जौं चरंति महेसिणो ॥ ८३ ॥ त ठाणं सासयं वास, लोयग्गम्मि दुरारुह । ज संपत्ता न सोयति, भवाहतकरा मुणी ॥ ८४ ॥ साहु गोयम पन्ना ते, छिन्नो मे संसओ इमो । नमो ते ससयातीत, सव्वसुत्तमहोयही ॥ ८५ ।। एवं तु संसए छिन्ने, केसी घोरपरक्कमे । अभिवंदित्ता सिरसा, गोयम तु महायस ॥ ८६ ॥ पंचमहव्वयधम्म, पडिवज्जइ भावओ । पुरिमस्स पच्छिमम्मि, मग्गे तत्थ सुहावहे ॥ ८७ ॥ केसी गोयमओ निच्चं, तम्मि आसि समागमे ।। सुयसीलसमुक्कसो,, महत्थत्थविणिच्छओ ॥ ८८ ॥ तोसिया परिसा सव्वा, सम्मंग समुवटिया । संथुया ते पसीयतु, भयवं केसिगोयमे ॥ ८९ ॥ त्ति बेमि । केसिगोयमिज्जणाम तेवीसइमं अज्झयणं समत्तं ॥ २३ ॥
. ॥ अह समिइओ चउवी सइमं अज्झयणं । अट्ठ पवयणमायाओ, समिई गुत्ती तहेव य । पंचेव य समिईओ, तओ गुत्तीओ आहिया ॥ १ ॥ इरियाभासेसणादाणे, उच्चारे समिई इय । मणगुत्ती वयगुत्ती, कायगुत्ती य अट्ठमा ॥ २ ॥
