________________
उत्तराध्ययनसूत्रम् (अध्ययन २३) ९३ अचेलगो य जो धम्मा, जो इमो सतरुत्तरो । देसिओ वद्धमाणेण, पासेण य महाजसा ॥ २९ ॥ एगकज्जपवन्नाणं, विसेसे किं नु कारण । लिंगे दुविहे मेहावी, कह विप्पच्चओ न ते ॥ ३० ॥ केसिमेव बुवाण' तु, गोयमा इणमब्बवी । विन्नाणेण समागम्म, धम्मसाहणमिच्छियं ॥ ३१ ॥ पञ्चयत्थं च लोगस्स, नाणाविहविगप्पणं । जत्तत्थ गहणत्थं च, लोगे लिंगपओयण ॥ ३२ ॥ अह भवे पइन्ना उ, मक्खिसब्भूयसाहणा । नाण च दसण' चेव, चरित्त चेव निच्छए ॥ ३३ ॥ साहु गोयम पन्ना ते, छिन्नो मे संसओ इमेो । अन्नो वि संसओ मज्झ, तं मे कहसु गोयमा ॥ ३४ ॥ अणेगाण सहस्साण, मज्झे चिट्ठसि गोयमा । ते य ते अहिगच्छंति, कह ते निजिया तुमे ।। ३५ ।। एगे जिए जिया पंच, पंच जिए जिया दस । दम्हा उ जिणित्ताण', सव्वसत्तू जिणामह ॥ ३६ ।। सत्त य इइ के वुत्ते केसी गोयममब्बवो । कसिमेवं बुवंत तु, गोयमा इणमब्बवी ॥ ३७ ।। एगप्प अजिए सत्त, कसाया इंदियाणि य । ते जिणित्ता जहानाय, विहरामि अहं मुणी ॥ ३८ ॥ साहु गोयम पन्ना ते, छिन्नो मे ससओ इमो । अन्नो वि संसओ मज्झ, तं मे कहसु गोयमा ॥ ३९ ॥
