________________
નયકણિકા
૧૪. આંબીલની સઝાય. ૧૫. વિનય વિલાસ (૩૭ પદોનો સંગ્રહ) ૧૬. અધ્યાત્મગીતા ગાથા સંખ્યા ૨૪૨ શ્લોક ૩૩૦. ૧૭-૧૮ જિનચોવીશી અને વિહરમાનવીશી.
આટલી કૃતિઓ જાણવામાં છે અને તેમાંથી શાંતસુધારસ-ભાવના (કે જે પાટણના ભંડારમાં છે) તે સિવાચ સર્વ છૂટીછવાયી મુદ્રાંકિત થઈ છે. શ્રીપાલનો રાસ પૂર્વાર્ધ કરી શક્યા, અને ઉત્તરાર્ધ પૂર્ણ કરવા જેટલી આ સ્થિતિ નહિ રહેવાથી અવસાન સમયે શ્રીમદ્ યશોવિજયજીને તે કાર્ય સુપરત કરી ગયા. અવસાન પહેલાં રાંદેરમાં ચોમાસું હતું, તે પરથી અનુમાન થાય છે કે તેઓ રાંદેરમાં કાલધર્મ પામ્યા હશે.
શ્રીમદ્દ યશોવિજયજી ઉપાધ્યાયના તેઓ કાકા-ગુરુ હતા તે તેમની ઉક્ત ગુરુપરંપરા અને યશોવિજયજી મહારાજની નીચેની ગુરુપરંપરા સરખાવતાં જણાઈ આવે છે.
તપાગચ્છ વિજયસિંહસૂરિ (૬૧ મી પાટે) વિજયપ્રભસૂરિ (દર મી પાટે) કલ્યાણવિજય ઉપાધ્યાય.
લાભવિજય ગણિ જિતવિજય નયવિજય
યશોવિજય ઉપાધ્યાય પરંતુ જો વિનયવિજયજીના ગુરુ કીર્તિવિજયને શ્રી હરવિજય સૂરિના શિષ્ય તરીકે ગણવામાં આવે તો વિનયવિજયજી શ્રી યશોવિજયજીના કાકાગુરુ કેવી રીતે થાય તે સવાલ ઊભો થાય છે. આનો ખુલાસો કોઈ પૂરો પાડશે તો ઉપકાર થશે.
