________________
सिरिवालकहा ] 129
[ अध्याय-३ जे बहुलद्धिसमिद्धा, साइसया सासणं पभावंति। रायसमा निश्चिता, ते आयरिए नमसामि ॥९॥
[४] जे बारसंगसज्झायपारगा धारगा तयत्थाणं । तदुभयवित्थाररया, तेऽहं झाएमि उज्झाए ॥१॥ पाहाणसमाणेऽवि हु, कुणंति जे सुत्तधारया सीसे । सयलजणपूयणिज्जे, तेऽहं झाएमि उज्झाए ॥२॥ मोहाहिदट्ठनट्ठप्पनाणजीवाण चेयणं दिति । जे केऽवि नरिंदा इव, तेऽहं झाएमि उज्झाए ॥३॥ अन्नाणवाहिविहुराण, पाणिणं सुअरसायणं सारं । जे दिति महाविज्जा, तेऽहं झाएमि उज्जाए ॥४॥ गुणवणभंजणमणगयदमणंकुससरिसनाणदाणं जे। दिति सया भवियाणं, तेऽहं झाएमि उज्झाए ॥ ५ ॥ दिणमासजीवियंताई, सेसदाणाइ मुणि जे. नाणं । मुत्तितं दिति सया, तेऽहं झाएमि उज्झाए. ॥६॥
