________________
આ પ્રકરણ રચનાના મૂળને જો વિચારીએ તો વિ.સં. ૨૦૩૭ ની સાલમાં પરમારાથ્યપાદ પરમતારક અનંતોપકારી ગુરુદેવ આચાર્ય ભગવાન શ્રીમદ્ વિજય રામચન્દ્રસૂરીશ્વરજી મહારાજા પાટણ અને આસપાસના પ્રદેશને પાવન કરતાં વિચરી રહ્યા હતાં. વિશાળ મુનિગણની સાથે વિહરતા પૂ. ગુરુદેવશ્રીજીની નિશ્રામાં અમો પણ સાથે જ હતાં. ત્યારે પૂજયપાદ વિદ્વાન મુનિપ્રવર શ્રી હેમભૂષણ વિજયજી મ.સા. (હાલ આચાર્ય) પાસે મારે શ્રી પ્રવચન સારોદ્ધાર ગ્રંથનું વાચન ચાલતું હતું. તેવામાં એકદા તેઓશ્રીએ મને પ્રેરણા કરી કે ચરણસિત્તરિ અને કરણ સિત્તરિના બધા આચારોનું વર્ણન એકત્ર જ પ્રાપ્ત થઈ જાય, આવા કોઈક પ્રકરણની તું રચના કરે તો બધા સાધુસાધ્વીજીઓને આ બધા આચારો મુખપાઠ રાખવા માટે આધાર મળી જાય. કુણઘેર ગામે અમારી વાચનાના સમયે તેઓશ્રીએ આવી પ્રેરણા કરી અને મેં ઝીલી લીધી. ત્યાંથી પાટણ આવવાનું થયું. તેથી પ્રગટપ્રભાવી શ્રી પંચાસરા પાર્શ્વનાથ ભગવાનના દર્શના કરી આ પ્રકરણની રચના કરવાનો એક બાલયોગ્ય પ્રયાસ કર્યો. તેમાં તારણહારા પૂ. ગુરુદેવશ્રીજીની અચિંત્યકૃપાના પ્રભાવે કાઈંક સફળતાનો અનુભવ થયો અને ચૈત્ર વદ ૮ ના ઉંબરી ગામે આ ગ્રંથરચના પરિસમાપ્તિને પામી.
આ ગ્રંથમાં આ રીતે ચરણસિત્તરિના અને કરણસિત્તરિના આચારોની ગૂંથણી કરવામાં આવી છે. પૂર્વાપર સંકલના સુંદર રીતે થાય તેથી ચરણ અને કરણના આચારો મિશ્રણની રીતે આમાં રજુ કરાયા છે. પણ તો ય દરેક આચારોનું વર્ણન આવી જાય તેની કાળજી રાખવા પ્રયત્ન કર્યો છે.
પછી પૂજય વિદ્વાન મુનિરાજ શ્રી કીર્તિયશ વિજયજી મ.સા. (હાલ આચાર્ય) ને પણ આ કાર્યની જાણ કરતાં
[VI |
