________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
सिस्सणिआणं, से तं सचित्ते, से किं तं अचित्ते ?, २ पडिग्गहाणं वत्थाणं कंबलाणं पायपुंछणाणं आए, से तं अचित्ते, से किं तं मीसए ?, २ सिस्साणं सिस्सिणियाणं सभंडोवगरणाणं आए, से तं मीसए, से तं लोगुत्तरिए, से तं जाणयसरीर भवियसरीरवइरित्ते दव्वाए, से तं नोआगमओ दव्वाए, से तं दव्वाए, से किं तं भावाए?, दुविहे २ पं० तं०-आगमओ य नो आगमओ य, से किं तं आगमओ भावाए ?, २ जाणए उवउत्ते, से तं आगमओ भावाए, से किं तं नोआगमओ भावाए?, २ दुविहे पं० तं०-पसत्ये य अपसत्थे य, से किं तं पसत्थे ?, २ तिविहे पं० तं० - णाणाए दंसणाए चरित्ताए, से तं सत्थे, से किं तं अपसत्थे ? २ चउव्विहे पं० तं० - कोहाए माणाए मायाए लोहाए, से तं अपसत्थे, से तं णोआगमओ भावाए, से तं भावाए, से तं आए। से किंतं झवणा?, २ चउव्विहा पं० तं० - नामज्झवणा ठव० दव्व० भावज्झवणा, नामट्ठवणाओ पुव्वं भणियाओ, से किं तं दव्वज्झवणा?, २ दुविहा पं० तं०-आगमओ य नोआगमओ य, से किं तं आगमओ दव्वज्झवणा?, २ जस्स णं झवणेतिपयं सिक्खियं जाव से तं आगमओ दव्वज्झवणा से किं तं नोआगमओ दव्वज्झवणा ?, २ तिविहा पं० तं० - जाणयसरीरदव्वज्झवणा भवियसरीरदव्वज्झवणा जाणयसरीर भवियसरीरवइरित्ता दव्वज्झवणा, से किं तं जाणय०?, २ झवणापयत्थाहिगारजाणयस्स जं सरीश्यं ववगयचुय सेसंजहा दव्वज्झयणे, जाव से तं जाणय०, से किं तं भवि० दव्व०?, २ जे जीवे जोणिजम्मणणिक्खते सेसं जहा दव्वज्झयणे, जाव से तं भविअसरीरदव्वज्झवणा से किं तं जाणयसरीर भविअसरीरवइरित्ता दव्वज्झवणा ?, २ जहा जाणयसरीर भविअसरीरंवइरिते ॥ श्री अनुयोगद्वार सूत्रं ॥ पू. सागरजी म. संशोधित
१०५
For Private And Personal
