________________
२ जे जीवे जोणीजम्मणनिक्खते इमेणं चेव सरीरसमुस्सएणं आदत्तेणं जिणदिटेणं भावेणं अणुण्णत्तिपयं सेयकाले सिक्खिा न ताव सिक्खइ, जहा को दिढतो?, अयं घयकुंभे भविस्सइ अयं महकुंभे भविस्सइ, सेत्तं भविअसरीरदव्वाणुण्णा, से किन जाणगसरीरभविअसरीरवइरिता दव्वाणुण्णा? २ तिविही पण्णत्ता, तंजहा लोइया लोउत्तरिया कुप्पावयणिया य, से किं तं लोइया दव्वाणुण्णा?, २ तिविहा पण्णता, तंजहा सचित्ता अचित्ता मीसिया, से किं तं सचित्ता?, २ से जहानामए रायाइ वा जुवरायाइ वा ईसरेइ वा तलवरेइ वा माडंबिएइ वा कोडुबिएइ वा इन्भेइ वा सेट्ठीइ वा सत्थवाहेइ वा सेणावईइ वा कस्सई कम्मि कारणे तुडे समाणे आसं वा हत्यि वा उट्टे वा गोणं वा खरं वा घोडयं वा एलयं वा अयं वा दासं वा दासिं वा अणुजाणिज्जा, सेत्तं सचित्ता, से किं तं अचित्ता?, २ से जहानामए रायाइ वा० कस्सइ कम्मि कारणे तुडे समाणे आसणं वा सयणं वा छत्तं वा चामरं वा पडगं (ट) वा मडं वा हिरण्णं वा सुवण्णं वा कंसं वा दूसं वा मणिमुत्तिअसंखसिलप्पवालरत्तयणमाइयं || संतसारसावइज्ज अणुजाणिज्जा, से तं अचित्ता, से किं तं मीसिया?, २ से जहानामए रायाइ वा० कस्सई कम्मि कारणमि तुढे समाणे हत्यिं वा मुहभंडगमंडियं आसं वा घासगचामरपरिमंडियं दासं वा दासिं वा सव्वालंकारविभूसिय अणुजाणिज्जा, से तं मीसिया दव्वाणुण्णा, से तं लोइया दव्वाणुणण्णा, से किं तं कुप्पावयणिया दव्वाणुण्णा?, २ तिविहा पण्णत्ता, तंजहा सचित्ता अचित्ता मीसिया, से किं तं सचित्ता?, २ से जहानामए आयरिएइ वा उवझाएइ वा कस्सई कम्मि कारणे जहेव लोइया नवरं ॥ श्रीनन्दीसूत्र ।
पू. सागरजी म. संशोधित
