________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
अदत्तमेहुणपरिग्गहा विरओ । राई भोयणविरओ, जीवो भवइ अणासवो ॥९॥ पंचसमिओ तिगुत्तो, अवसाओ जिइंदिओ । अगारवो य निरसल्लो, जीवो भवइ अणासवो ॥११०० ॥ एएसिं तु विवज्जासे, रागद्दोससमज्जियं । खवेइ तं जहा भिक्खू, तं मे एगमणा सुण ॥१॥ जहा महातलागस्स, संनिरुद्धे जलागमे । उस्सिंचणाए तवणाए, कमेणं सोसणा भवे ॥ २ ॥ एवं तु संजयस्सावि, पावकम्मनिरासवे । भवकोडीसंचियं कम्मं, तवसा निज्जरिज्जइ ॥३॥ सो तवो दुविहो वृत्तो, बाहिर ब्यंतरी तहा । बाहिरो छव्विहो वुत्तो, एवमब्भिंतरी तवो ॥४॥ अणसणभूणोअरिया भिक्खायरिया य रसपरिच्चाओ । कायकिलेसो संलीणया य बज्झो तवो होइ ॥ ५ ॥ इत्तरियमरणकाला य, अर्णसणा दुविहा भवे । इत्तरिया सावकंखा, निरवकंखा उ बिइज्जिया ॥६॥ जो सो इत्तरियतवो, सो समासेण छव्विहो । सेढितवो पयरतवो, घणो य तह होइ वग्गो य ॥७॥ तत्तो य वग्गवग्गो उ पंचमो छट्टओ पड़न्त्रतवो । मणइच्छियचित्तत्थो नायव्वो होइ इत्तरिओ ॥८ ॥ जा सा अणसणा मरणे, दुविहा सा वियाहिया । सवीयारमवीयारा, कायचिट्ठ पई भवे ॥९॥ अहवा सपरिकम्मा, अपरिकम्मा य आहिया । नीहारिमणीहारी, आहारच्छेअओ दुसुवि ॥११९१० ॥ ओमोअरणं पंचहा, समासेण वियाहियं । दव्वओ खित्तकालेणं, भावेणं पज्जवेहि य ॥१॥ जो जस्स उ आहारो, तत्तो ओमं तु जो करे । जहन्नेणेगसित्थाई, एवं दव्वेण ऊ भवे ॥२॥ गामे नगरे तह रायहाणिनिगमे य आगरे पल्ली। खेडे कब्बडदोणमुहपट्टणमडंबसबाहे ॥ ३ ॥ आसमपए विहारे संनिवेसे समा(भा)यघोसे य । थलिसेणाखंधारे सत्थे संवट्ट कोट्टे य ॥४॥ वाडेसु य रत्यासु य घरेसु वा एवमित्तियं खित्तं ॥ श्रीउत्तराध्ययनसूत्रं ॥
पू. सागरजी म. संशोधित
८५
For Private And Personal
