________________
Shri Mahavir Jain Aradhana Kendra.
Acharya Shri Kalashsagarsuri Gyanmandir
चाउज्जामो अ जो धम्मो, जो इमो पंचसिक्खिओ। देसिओ वद्धमाणेणं, पासेण य महाभुणी ॥३॥ अचेलगो अ जो धम्मो, जो इमो संतरुत्तरो। एगकज्जपवन्नाणं विसेसे किं नु कारणं ? ॥४॥ अह ते तत्थ सीसाणं, विण्णाय पवियक्किय। समागमे कथमई, उभओ के सिगोयमा ॥ ५ ॥ गोअमो, पडिरुवन्नू, सीससंघसमाउले । जिटुं कुलभविक्खतो, तिदुयं वणमागओ ॥ ६ ॥ केसी कुमारसमणे, गोअमं दिस्समागयं । पडिरूवं पडिवत्ति, सम्मं संपडिवज्जई ॥७॥ पलालं फासुअं तत्थ, पंचमं कुस्तणाणि या गोयमस्स निसिज्जाए, खिष्पं संपणामए ॥८ ॥ केसी कुमारसमणे, गोयमे य महायसे । उभओ निसन्ना सोहंति, चंदसूरसमप्पहा ॥९ ॥ समागया बहू तत्थ, पासंडा कोउगासिया (मिगा)। गिहत्थाण अणेगाओ, साहस्सीओ समागया ॥ ८५० ॥ देवदाणवगंधव्वा, जक्खरक्खसकिंनरा । अद्दिस्साण य भूयाणं, आसि तत्थ समागमो ॥ १ ॥ पुच्छामि ते महाभाग !, केसी गोयममब्बवी । तओ केसिं बुवंतं तु, गोयमो इणमब्बवी ॥२॥ पुच्छ भंते! जहिच्छं ते, केसिं गोयममब्बवी । तओ केसी अणुन्नाए, गोयमं इणमब्बवी ॥ ३ ॥ चाउज्जामो य जो धम्मो, जो इमो पंचसिक्खिओ। देसिओ वद्धमाणेणं, पासेण य महामुणी ॥४॥ एगकज्जपवन्नाणं, विसेसे किं नु कारणं? | धम्मे दुविहे मेहावी, कहं विष्पच्चओ न ते ? ॥५ ॥ तओ केसिं बुवंतं तु, गोयमो इणमब्बवी । पन्ना समिक्खए धम्मं तत्तं तत्तविणिच्छियं ॥६॥ पुरिमा उज्जुजड्डा उ. वक्क (वंक ) जड्डा य पच्छिम । मज्झिमा उज्जुपन्ना उ, तेण धम्मे दुहा कए ॥ ७ ॥ पुरिमाणं दुव्विसुज्झो उ, चरिमाणं दुरणुपालओ, कप्पो मज्झिमगाणं तु, सुविसुज्जो सुपालओ ॥८॥ साहु गोयम् ! पन्ना ते(पण्णाए ), छिन्नो मे संसओ इमो । ॥ श्रीउत्तराध्ययनसूत्रं ॥
पू. सागरजी म. संशोधित
www.kobatirth.org
६१
For Private And Personal
