________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
भवभागए। अप्पणो य परेसिं च, आउ जाणे जहा तहा॥६॥ नाणा रुई च छंदं च, परिवजिज्ज संजओ। अणट्ठा जे य सव्वत्था, इइ विजामणुसंचरे॥७॥ पडिक्कमामि पसिणाणं, प्रमंतेहिं वा पुणो। अहो उहिओ अहोरायं, इइ विज्जा तवं चरे॥८॥ जं च मे पुच्छसी काले, सम्मं सुद्धेण (बुद्धेण) चेयसा ताई पाउकरे बुद्धे, तं नाणं जिणसासणे॥९॥ किरियं च रोए धीरो, अकिरियं परिवज्जए। दिट्ठीए दिद्विसंपन्नो, धम्म चरसु दुच्चरं ॥५८०॥ एयं पुण्ण(ण )पयं सुच्चा, अत्थधम्मोवसोहियो भरहोऽवि भारहं वासं, चिच्चा कामाई पव्वए॥१॥ सगरोऽवि सागरंत, भरहवासं नराहिवो। इस्सरियं केवलं हिच्चा, दयाए परिनिव्वुडे ॥२॥ चइत्ता भारह वासं, चक्कवट्टी महिड्ढिओ। पव्वज्जमब्भुवगओ, मघवं नाम महाजसो॥३॥सणंकुमारो मणुसिंदो, चक्कवट्टी महिड्ढिओ। पुत्तं रज्जे ठवित्ताणं, सोऽवि राया तवं चरे॥४॥ चइत्ता भारहं वासं, चक्कवट्टी महिड्ढिओ।संती संतिकरो लोए, पत्तो गइमणुत्तरं ॥५॥ इक्खागरायवसहो, कुंथू नाम नरेस विक्खायकित्ती धिइमं ( भयवं), मुक्खं गओ अणु (त्तो गइमणु) तरं॥६॥सागरंतं जहिताणं, भरहवासं नरे (नवरी) सरो। अरे य अयं(सं) पत्तो, पत्तो गइमणुत्तरं ॥७॥ चइत्ता भारहं वासं, चक्कवट्टी महिड्ढिओ।चिच्चा य उत्तमे भोए, महापउमो दमं चरे॥८॥ एगच्छत्तं पसाहित्ता, महिं माणनिसूरणो। हरिसेणो मणुस्सिदो, प्रत्तो गइमणुत्तरं॥९॥अन्निओ रायसहस्सेहि, सुपरिच्चाई दमं चरे। जयनामो जिणक्खाय( ओ), पत्तो गइमणुत्तरं॥५९०॥ दसण्णरजं मुइयं, चइत्ताणं मुणी चरे। दसण्णभद्दो निक्खंतो, सक्खं सक्केण चोइओ॥१॥ नमी नभेइ अप्पाणं, सक्खं सक्केण चोइओ। जहित्ता रज्ज ( चइऊण देहं ) वइदेही, ॥ श्रीउत्तराध्ययनसूत्रं ॥
| ४४
पू. सागरजी म. संशोधित
For Private And Personal
